web counter
LEXO PA REKLAMA!

SHKARKO APP

App Store
Google Play

12 javë pandemi/ Manastirliu bën bilancin: I kemi një borxh mjekëve

27 Maj 2020, 20:11, Lifestyle CNA

Ministrja e Shëndetësisë, Ogerta Manastirliu, e ftuar mbrëmjen e sotme në emisionin ?Real story?, teksa ka folur për rritjen e numrit të të infektuarve nga Covid-19, ka bërë dhe një bilanc të situatës nga fillimi i pandemisë.

Manastirliu tha në të gjithë vendin janë 20 vatra aktive dhe se këto 12 javë pandemi ishin një sprovë për sistemin shëndetësor.

?Është e vërtetë që ka pasur rritje të rasteve të prekura dhe dy humbje jetësh, që tregon se rreziku është potencial dhe masat duhet të vazhdojnë. Nuk kemi një situatë, që mund të na çojë në një parashikim të keq, por patjetër që i kemi pritshmëritë tona. Ne do të përballemi me raste të Covid në vend, ku 50% e rasteve pozitive janë në kryeqytet. Në të gjithë vendin kemi 20 vatra aktive, familjare dhe vatra të punës.

Gjithë plani ynë në raport me planin e rihapjes së ekonomisë, jetës sociale, përkthehet në një qëllim të caktuar, që nuk është qëllim në vetëvete ai i hapjes, por të mësuarit me rregullat e reja, që duhet të absorbohen nga të gjithë ne.

Për të bërë një bilancë pas 12 javësh të epidemisë, këto 12 javë ishin një sprovë e sistemit shëndetësor, por edhe gjithë investimeve që janë bërë në këtë sistem. Rasti më i çmuar janë mjekët dhe infermierët, ndaj të cilëve kemi një borxh. Ata e kanë treguar veten se janë në lartësinë e detyrës dhe këtë situatë e kanë përballuar mbështetur në sistemin shëndetësor dhe qeveria shqiptare?, tha Manastirliu.





Lajmet e fundit nga