Connect with Us

Vetting në media dhe një mbështetje nga Ambasada Amerikane

Politikë

Vetting në media dhe një mbështetje nga Ambasada Amerikane

Publikuar

-

Prej disa kohësh po publikohen, jo vetëm tek CNA.al, por edhe në media të tjera online, fakte skandaloze në lidhje me pronarët e mediave, në lidhje me kompani koncesionare me qeverinë, ortakëri që vijnë nga paratë e taksapaguesve shqiptarë, nga qeveria tek pronarë televizionesh.

Nga ana tjetër pronarë që ndërtojnë, që fitojnë tendera, e më tej trafikantë droge të dënuar që janë pronarë mediash.

Ambasada e SHBA-ve, disa nga këta i ka shpallur non grata. Nuk hyjnë dot në SHBA dhe ende nuk është bërë publike një listë. Por, ndoshta ka ardhur koha që ambasadës t’ia kërkojmë këtë listë. Ta bëjë publike dhe të na thotë emrat e personave që iu është refuzuar viza për në SHBA. Ekskluzivisht njerëzit e medias, por do të ishte edhe më e rëndësishme në rast se lista do të përfshinte edhe politikanët.

Por, le të qëndrojmë tek media.

Media sot ka nevojë për Vetting, dhe për këtë duhet mbështetja e Ambasadës Amerikane. Duhet një Vetting me çdo kusht. Duhet bërë një transparencë e pronarëve të medias, kush janë, nga vijnë, si i kanë siguruar pasuritë.

Kështu shqiptarët do të mësojnë se në këto 30 vite media nuk ka qënë avokatia e publikut. Nuk ka qënë avokatia e qytetarëve, por ka qënë pjesa e pazarit politik të ditës dhe e korrupsionit të sistemit 30-vjeçar.

LEXO EDHE:  Në gjurmët e të atit/ Djali i Sokol Olldashit gati të “zbresë në fushë”

Një Vetting në media dhe një e vërtetë që na duhet me ndihmën e Ambasadës Amerikane. Sepse ka pasur edhe një deklaratë pak kohë më parë, nga një zyrtar i saj. Pas një takimi që pati një biznesmen në këtë institucion, erdhi një reagim mjaft i fortë.

Gjithashtu ka pasur edhe biznesmenë që kanë akuzuar televizione kombëtare dhe media të rëndësishme për gjobëvënie. Ka raste ku pronarë televizionesh dalin me njolla. Pa folur pastaj për ata të përfshirë në tendera, shantazhe, e të tjera si këto.

Ndaj edhe është momenti që të kërkojmë një Vetting në media dhe një mbështetje nga ambasada e SHBA-ve, për ta bërë këtë Vetting dhe për të treguar një herë e mirë, të vërtetën e dhimbshme se kush është media në Shqipëri./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Berisha: Rama fali detin dhe triliona euro naftë dhe gaz në Jon

Publikuar

-

Nga

Berisha: Rama fali detin dhe triliona euro naftë dhe gaz në Jon

Ish-kryeministri Sali Berisha komentoi vendimin për të shkuar në Hagë për çështjen e ndarjes së detit me Greqinë.

Berisha tha se tani Greqia shkon në gjykatë me pretendimin për t’u shtrirë me 12 milje, ndërkohë që në qeverisjen e Berishës ishte rënë dakord që Greqia të shkonte në gjykatë me pretendimin e 6 miljeve shtrirje.

Berisha tha se Rama nisi negociatat me Greqinë dhe në përfundim, qeveria e Cipras shpalli fitoren për shtrirjen me 12 milje.

“Marrëveshjen e tyre nuk e ka parë kush deri më sot. Marrëveshja u bllokua nga presidenti. Rama u tha se kemi këtë vendimin e gjykatës. Atëherë Greqia e njoftoi se do të kalonte në shtrirje prej 12 miljesh. Kjo e 12 miljeve nuk është shpallur tani, është shpallur që nga qeveria e Cipras. Unë kam një pyetje për çdo shqiptar: nga shkuarja në gjykatë me 6 për Greqinë dhe 12 për Shqipërinë apo 6 për Shqipërinë dhe 12 për Greqinë, kush humbet? Shqipëria humbet aq sa është kalimi nga 6 deri në 12 milje. Shqipëria humbet zonat e triliona eurove naftë dhe gazi në detin Jon. Ato ishin në territorin e Shqipërisë. Kjo falë Edi Ramës. Tani thotë se e propozoi Hagën, kur Hagën e gjeti aty që nga viti 2010.
Tani po mundohet të bindë shqiptarët se 6 është më e madhe se 12-ta. Këtë mund ta bëjë vetë Edi Rama dhe çdo njeri që ka shitur shpirtin. Po bëhet çdo gjë për t’u fshehur shqiptarëve humbjen e detit,” tha Berisha./CNA.al

LEXO TE PLOTE

Politikë

Këshilla e ambasadores së SHBA për Ramën Bashën dhe Metën

Publikuar

-

Nga

Këshilla e ambasadores së SHBA për Ramën Bashën dhe Metën

Ambasadorja e SHBA në Tiranë Yuri Kim, në intervistën e saj për “Opinion” ku ka cekur cështje të rëndësishme si ajo e Reformës në Drejtësi, SPAK, zgjedhet e 25 prillit apo edhe inceneratorët, ka dhënë dhe disa këshilla për krerët e politikës në vend.

Për kryeministrin Rama, Yuri Kim, la të nënkuptohet se duhet të ketë në konsideratë rekomandimet e ODIHR për zgjedhet.

“Nuk jam eksperte e zgjedhjeve, por ODIHR është ekspert dhe ata kanë paraqitur disa rekomandime shumë të qarta se çfarë duhet bërë për zgjedhjet në Shqipëri. Po e lë me kaq.”

Për kreun e Opozitës Lulzim Basha, Kim u shpreh: “Nuk kam detyrë për të dhënë këshilla, por mendoj se është e rëndësishme për të gjithë udhëheqësit politikë që të jenë transparentë dhe të ndershëm me votuesit, të qëndrojnë të angazhuar në proces, të mos largohen dhe të mbajnë premtimet që iu japin njerëzve.”

Për kreun e shtetit, Ilir Meta, Yuri Kim u shpreh: “Mendoj se ka një rol shumë unik dhe shumë të rëndësishëm që presidenti mund të luajë si bashkues i vendit. Dhe kur e luajti atë rol në fillimet e pandemisë Covid19 dhe thirri Këshillin e Sigurisë Kombëtare, duke bërë bashkë jo vetëm Kryeministrin por edhe udhëheqësin kryesor të opozitës, mendova se ishte një shembull vërtet i fuqishëm dhe pozitiv. Dhe shpresoj që kjo është diçka që do ta përsërisë. E di që ky është një rol që do ta vlerësonte populli shqiptar. Di që është një rol që Uashingtoni sigurisht e vlerëson ndaj pres me kënaqësi ta shoh të luajë një rol shumë pozitiv.”/CNA.al

LEXO TE PLOTE

Politikë

Nga Valbona te Shkodra dhe Gjirokastra/ Yuri Kim: Ja vendet që kam vizituar dhe më pëlqejnë më shumë

Publikuar

-

Nga

Nga Valbona te Shkodra dhe Gjirokastra/ Yuri Kim: Ja vendet që kam vizituar dhe më pëlqejnë më shumë

Ambasadorja E SHBA në Tiranë, Yuri Kim ka treguar vendet që ka vizituar në Shqipëri gjatë kohës që ka qëndruar në vendin tonë.

Kim tha se i pëlqen shumë Shqipëria dhe ka vizituar disa qytete. Ajo rrëfue në emisionin “opinion” se i pëlqen shumë Berati, Gjirokastra, Shkodra dhe plazhet e Himarës.

Ambasadorja e SHBA foli edhe për ecjen në Valbonë dhe Theth, ndërsa theksoi se pamja të merr frymën nga bukuria.

“Çdo qytet që kam vizituar është unik. Kjo e bën Shqipërinë kaq mahnitëse. Më kujtohet arkitektura e bukur e Beratit. Plazhet e Himarës… Çatitë e gurta të Gjirokastrës dhe eleganca e heshtur e vendit. Shkodrën e dua.

E dua Shkodrën. E dini pse? Sepse njerëzit atje e shijojnë jetën, kuptojnë artet, e dinë kush janë.

LEXO EDHE:  Raporti i Qendrës Evropiane: Politika shqiptare ndër më të korruptuarat në planet

LEXO EDHE:  Video-Meta kujton çlirimin e Kosovës/ Mirënjohje përjetë SHBA-së dhe NATO-s

Kam qenë edhe për ecje, nga Valbona në Theth për shembull. Mendoj se është ecje e vështirë. Ajo një orë e gjysmë e fillimit ngjitje për në Valbonë është pak e vështirë, tamam. Por me këto gjëra puna është të hedhësh një hap pas një tjetri, të kesh dikë të të jep dorën dhe të ndihmon për në fazën tjetër. Jam shumë e kënaqur që pata mundësi të takoja disa njerëz në atë ecje. Mendoj njerëzit ishin të habitur por pamja të merr frymën nga bukuria”, u shpreh ajo./ CNA.al

LEXO TE PLOTE