E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Rrëfimi special i Refik Halilit, presidenti i Tiranës jep lajmin e madh për tifozët bardheblu

21 Maj 2020, 09:44, Sport CNA

Presidenti i Tiranës, Refik Halili thekson se ai gjithnjë ka qenë pro rifillimit të kampionatit teksa preferon që nëse shpallet kampion, atëherë verdikti të vijë nga fusha. Sakaq, në një intervistë për RTSH Sport, presidenti shprehet se për Tiranën rregulli me pesë zëvendësime i shkon në favor duke qenë se në dispozicion kanë shumë futbollistë.

Ndër të tjera, Halili thekson edhe njëherë se i ka plotësuar të gjitha kriteret për licencimin, ndërsa sa i përket merkatos dhe dëshirës që disa futbollistë të kombëtares si Lenjani apo Gjasula kanë shprehur dëshirën të veshin fanellën e Tiranës, presidenti shprehet se është i hapur dhe i gëzuar që ata zgjedhin kryeqytetasit.

?Të them të drejtën unë e kisha dëshirën që ne ta vazhdonim kampionatin dhe them që u bë gjëja më e mirë. Edhe nëse do ta fitonim në tavolin do të ishim nën urdhërat e Federatës dhe UEFA-s, por me mira është që do të luhet në fushë. Më e mira është ta fitojmë në fushë edhe pse nuk ka përfunduar ende kampionati dhe shpresojmë ta festojmë me tifozët.

Nuk jam i shqetësuar për skuadrën time pasi kemi një kontigjent të mirë lojtarësh dhe mund t?iu them që ne na bëhet mirë këto 5 ndërrime pasi kemi shumë lojtarë në dispozicion. Unë them që duhet të përqendrohem te skuadra ime dhe nuk kam asnjë shqetësim?.

Licensimi? ?Nga viti i shkuar edhe deri këto ditë, klubi paguan detyrimet e prapambetura. Përsa i përket tatimeve kemi bërë një marrëveshje dhe kemi paguar një shifër të konsiderueshme dhe po shkojmë drejt zbardhjes. Ne i kemi plotësuar të gjitha pikat që duhen dhe i jam mirënjohës të gjithëve që kanë bërë të mundur realizimin e këtyre pikave?.

Kontratat e lojtarëve? ?Unë jam i mendimit që nëse do të vazhdonte kampionati, unë pagesat do t?i bëja. Nëse flasim tani ekipi do të zhvillojë dy muaj shtesë dhe ne do të paguajmë këto muaji. Pagesat që ata kanë në kontratë unë do t?ua plotësoj 100%?.

Merkato? ?Merkato është bërë me shumë kujdes dhe është bërë nga drejtuesit e klubit duke futur trajnerin Mema dhe drejtorin Laçi e gjithashtu kanë pyetur edhe presidentin pasi ai vendos për çështjet financiare. Janë bërë 4 goditje në merkato si Kale, Torasa apo edhe Batha që kërkohej nga disa klube. Ne u treguam të shkathët dhe e mbyllëm shumë shpejt?.

Lojtarët e kombëtares? ?Unë them që ne jemi të hapur dhe për mua është kënaqësi që këta lojtarë thonë që duan të luajnë me ne. Ne nuk kemi pasur kontakte direkt me këta lojtar, vetëm ka lëvizje. Unë i falenderoj e jam i gëzuar që zgjedhin klubin e Tiranës dhe kjo bën që të punoj më shumë?.

Afrimet? ?Unë kam dëshirë që mos të ketë largime. Disa prej tyre u mbaron kontrata dhe ne kemi filluar të lëvizim për rinovime pastaj varet nga marrëveshja që do të bëjmë. Dëshira jonë është të kemi të gjithë grupin dhe mund të përmendim emra. Ata që janë pjesë e formacionit kemi dëshirë t?i mbajmë, por nëse ata nuk kanë dëshirë mund të largohem. Mendoj se asnjë futbollistë nuk do të largohet pasi edhe atyre që u mbaron kontrata dëshira e parë për ta është Tirana?.

Egbo? ?Me Egbon flasin rezultatet. Fillimi ishte të fillojmë sa të gjejmë një zgjidhje tjetër, por fati e solli që gjërat ikën para. Kemi folur me Egbo para ca kohësh dhe shpresojmë të përfundojmë kampionatin dhe do të ulemi. Nuk e kam të vështirë të gjej gjuhën me Egbo dhe as ai me mua?.

Klubi Tirana si biznes? ?Shpenzimet kanë qenë të jashtëzakonshme dhe të pa përballueshme. Nuk kam qejf të flas për çështje financiare, por këto dihen. Do ishte mirë që të luftojmë që në këtë 100 vjetor ta çojmë drejt zbardhjes dhe mos të flasim më për të shkuarën dhe borxhet e të jemi të pastër. Të ardhurat që mund të shkojnë janë se ne jemi në kryeqytet, dhe jemi skuadra me më shumë trofe. Gjithashtu ne kemi tifozerinë më të zjarrtë dhe për këtë flasin faktet.

Si në stadiumin e ri dhe në ?Selman Stermasi?, ne jemi skuadra që kemi më shumë tifozë në stadium dhe konfirmohet nga shitja e biletave. Jam i bindur që me ndërtimin e dy fushave ku shpresojmë që brenda dy muajve të bëjmë inagurimin. Me investimet që po bëjmë të akademitë, të ardhurat do të rriten edhe më shumë. Nëse ne duam një ekip të mirë për të ardhmen mbështja nga tifozëvtë është e madhe dhe nuk janë të ardhura të pakta. Shpresojmë që të vijë ora që ne mos të dalim me humbje, por të shkojmë te barazimi. Themi që vitin e ardhshëm do të kemi edhe më shumë të ardhura duke parë punën që po bëhet me skuadrën?, u shpreh Halili.