web counter
LEXO PA REKLAMA!

SHKARKO APP

App Store
Google Play

Historia epike/ Ish-portieri i Liverpulit: U shpallëm kampion me një SMS

17 Maj 2020, 19:44, Sport CNA

Kampionati belg i futbollit ka qenë ndër të parët që ka ulur qepenin në Europë duke menduar që tani për sezonin e ardhshëm, pasi e kishte të pamundur të vazhdonte në mes të pandemisë që është ende jashtë kontrollit në Belgjikë. Ndaj janë zyrtarizuar edhe verdiktet e këtij sezoni, me skuadrën e Klub Bryzh që është shpallur kampione, gjë që e ka mësuar në mënyrën më të çuditshme të mundshme, nëpërmjet një SMS-je.

Këtë e ka zbuluar portieri Simon Minjole, një ish i Liverpulit, i cili ka treguar se këtë vit nuk kishte festë për shkak të situatës së pazakontë që po jetohej në vend.

?Neve na mbërriti një SMS. Nuk mund të bënim shumë në atë situatë?, shpjegoi lojtari për momentin kur u njoftuan se ishin shpallur kampionë për herë të 16 në historinë e klubit. ?Unë thjesht kam pirë një gotë shampanjë me familjen time dhe praktikisht kaq ishte.

Sigurisht, ne ndjehemi si kampionë, i vetmi ndryshim është që padyshim duam të festojmë në fushë pas fitores dhe të festojmë me shokët, fansat e stafin në klub. Por duhet ta pranojmë se jemi në një moment të tillë dhe është e pamundur. Por ishtr një fitore e merituar pasi ishim aq shumë pike para, sa edhe po të vazhdonte kampionati, në një mënyrë apo një tjetër do të shpalleshim kampionë?, tha portieri.





Lajmet e fundit nga