E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Arrestimi i Bojken Abazit dhe dy protestuesve/ Vetëvendosja në Shqipëri: Të lirohen menjëherë

17 Maj 2020, 18:28, Politikë CNA

Qendra e Lëvizjes Vetëvendosje në Shqipëri ka reaguar lidhur me arrestimin e aktivistit Boiken Abazi dhe qytetarëve protestues Kastriot Qema dhe Flamur Dardeshi gjatë protestës për mbrojtjen e Teatrit Kombëtar.

Lëvizja Vetëvendosje në Shqipëri deklaron se Abazit, Qemës dhe Dardeshit i është komunikuar masa e arrestit me burg, ndërkohë që personat e tjerë që u shoqëruan janë liruar.

Vetëvendosje kundërshton arrestimin e paligjshëm dhe bën thirrje që të lirohen menjëherë . Sipas tyre, aktivistët e Lëvizjes Vetëvendosje në Tiranë nuk kanë ushtruar dhunë ndaj policisë së shtetit, por ka qenë policia ajo që ka ndërhyrë dhunshëm mbi protestuesit.

“I kërkojmë Policisë së Shtetit shqiptar lirimin e tyre të menjëhershëm, si dhe pushimin e akuzave. Arrestimi i aktivistit Boiken Abazi është bërë me urdhër politik për shkak të aktivizmit të tij në mbrojtje të Teatrit Kombëtar. Gjatë protestës së sotme aktivistët tanë kanë ushtruar të drejtat e tyre si qytetarë kundër bandës në pushtet që po abuzon me tërmetin dhe pandeminë për tju shërbyer interesave private dhe mafioze.

Aktivistët e Lëvizjes Vetëvendosje në Shqipëri nuk kanë ushtruar dhunë ndaj policisë së shtetit, por ka qenë policia ajo që ka ndërhyrë dhunshëm mbi protestuesit, duke tërhequr shumë prej tyre në komisariatet e kryeqytetit. Qendra e VV në Shqipëri ende nuk ka një informacion të plotë por beson se në komisariatet e tjerë ka edhe aktivistë të tjerë të VV.

Pas shumë orësh pritje, ndërkohë që një numër i madh i të ndaluarve nga Policia u liruan ditën e sotme, tre të sipërpërmendurit iu komunikua masa e arrestit. Qendra në Shqipëri e Lëvizjes Vetëvendosje e kundërshton me forcë trajtimin selektiv, me qëllim frikësimi dhe tendencioz ndaj të tre të arrestuarve dhe kërkon lirimin e tyre të menjëhershëm. Asnjë metodë frikësimi i pushtetit nuk do ti ndalë protestat tona për të mbrojtur të drejtat kolektive dhe interesin publik. Brutaliteti dhe dhuna nuk do të kalojnë! Ata që rezistojnë sot, nesër fitojnë!”, thuhet në reagim./ CNA.al