web counter
LEXO PA REKLAMA!

SHKARKO APP

App Store
Google Play

Basha rikthen "çadrën" tek Teatri Kombëtar

14 Maj 2020, 17:32, Politikë CNA

Kryetari i opozitës Lulzim Basha ka vendosur të rikthejë “çadrën” e Partisë demokratike te Teatri Kombëtar, siç bëri dikur para Kryeministrisë.

Mësohet se mbrëmjen e sotme vetë kryetari i Republikës së Re do të kalojë natën te Teatri, ndërsa ka kërkuar që t’i bashkohen edhe demokratët dhe qytetarët e degës 4 në Tiranë.

Lajmin e ka bërë të ditur dega numër 4 e PD, e cila njofton qytetarët që të mobilizohen dhe të bashkohen me ta në orën 20:30 në sheshin e Teatrit Kombëtar.

?Të nderuar demokratë dhe qytetarë të degës 4 Tiranë! Kryetari Basha sot do të qëndrojë gjithë natën te Teatri Kombëtare. Degën tonë e ka përzgjedhur që ta shoqërojë. Ju lutem me sa mundësi keni të mobilizohemi të jemi si i ka hije degës 4. Në orën 20:30 do të jemi në sheshin e Teatrit Kombëtare?, thuhet në njoftim.

Ndërkohë, duket se Basha ka përgatitur një skenar të ngjashëm me atë të vitit 2017. Siç bëri atëherë me çadrën, këtë pranverë duket sikur do fillojnë të qëndrojnë me turne degët e PD-së në mbrojtje të Teatrit Kombëtar. Luli kështu veproi edhe me protestat e Unazës së Re, por shtëpitë u shembën, kështu veproi dhe me çadrën e pastaj përfundoi në pazar me Ramën.

Në 3 vjetorin e çadrës, Lulzim Basha mori sot nga Rama mbylljen e hetimeve për financimet ruse dhe po sot po rikthen “çadrën” dhe këtë herë te Teatri Kombëtar si shenjë e dashurisë së tij të palëkundur ndaj Ramës./ CNA.al





Lajmet e fundit nga