“Tendera të paligjshëm në kohë pandemie”/ PD e Dibrës padit kryebashkiakun Dionis Imeraj

12 Maj 2020, 12:02, Politikë CNA

Partia Demokratike Dega Dibër ka denoncuar në Prokurorinë e Posaçme SPAK dhe KLSH për shpërdorim detyre dhe shkelje të barazisë në tendera , kryetarin e pazgjedhur të Bashkisë Dibër, Dionis Imeraj, dhe personat e tjerë përgjegjës për zhvillimin e tenderit me objekt ?Ndertim i Linjës së Furnizimit me ujë të pijshëm Gurra e Epërme-Luzni-Peshkopi?

Kryetari i PD në Dibër , Naim Gazidede shprehet se Partia Demokratike as ka qenë, as është kundër investimeve publike të bashkisë Diber.

?Situata e sotme ekonomike shumë e rëndë, shkaktuar nga pandemia Covid 19 dhe shpallja e fatkeqësisë natyrore që coi në shkatërrim të ekonomive të dobëta familjare, që coi në rrezikun e falimentimit të biznesit, ku numri i të papunëve rritet cdo ditë, kjo situatë duhet të diktonte një vëmendje të shtuar të Bashkise, ku prioritet i prioriteteve do të ishte ndihma, përkrahja, mbështetja për familjet në nevojë, bizneset, fermerët, blegtorët etj.

Për fatin e keq vemendja e Kryetarit të Bashkise dhe bashkepuntoreve tëë tij ishte përqendruar në prokurimin e Ndërtimit te Ujesjellesit të sipërpermendur në paligjshmëri të plote, duke sfiduar jo vetem situatën e krijuar nga Pandemia, por edhe Agjencine e Prokurimit Publik, e cila, në mbështetje të nenit 13 të Ligjit Nr. 9643 datë 20.11.2006 ?Për prokurimin publik?, të ndryshuar, sjell në vëmendje si më poshtë vijon:

?Autoritetet kontraktore duhet të vijojnë procesin e prokurimit vetëm për ato procedura prokurimi që lidhen ngushtësisht me mbulimin e nevojave te dala në kuadër të situatës së shkaktuar nga pandemia Covid 19 dhe që konsiderohen të domosdoshme.

Në kuptim të sa më sipër, autoritetet kontraktore të pezullojnë të gjitha procedurat e prokurimit, përfshirë këtu edhe procedurat e prokurimit me vlerë të vogël, për objekte prokurimi, të cilat nuk lidhen ngushtësisht me këtë situatë.

Gjithashtu, të pezullohen edhe ato procedura prokurimi që janë në proces, objektet e të cilave nuk lidhen me situatën e shkaktuar nga pandemia.?

Ne keto kushte, Bashkia Diber duhet te merte ne konsiderate Udhezimet e APP-se dhe duhet te pezullonte menjehere procedurat e tenderimit. Me këto veprime, Kryetari i Bashkisë Diber, duke zhvilluar tenderin me datë 04.05.2020 ka kryer vepren penale ?shperdorim detyre?.

Ndaj kemi kerkuar nga SPAK dhe KLSH të nisin sa më shpejt hetimet dhe të ndalojnë vjedhjet dhe babezitë me tenderat publikë. Me regjistrimin penal të kësaj çështje nga SPAK, ne kërkojmë që drejtësia të jetë e shpejtë dhe të nxjerrë para përgjegjësisë ata që e kanë mendjen tek vjedhjet, kur dibranët dhe shqiptarët janë pa mbështetje dhe gjendja po përkeqësohet?, tha kreu i PD në Dibër./CNA.al