web counter
LEXO PA REKLAMA!

SHKARKO APP

App Store
Google Play

Dhuna në protesën e Shoqërisë Civile/ Lleshaj: Asgjë e jashtëzakonshme, policia ishte korrekte

12 Maj 2020, 20:38, Politikë CNA

Ministri i Brendshëm Sandër Lleshaj ka folur mbrëmjen e sotme për dhunën e ushtruar në protestën e Shoqërisë Civile që u zhvillua më 7 maj në sheshin Skënderbej.

Lleshaj tha se nuk ka asgjë të jashtëzakonshme dhe pretendon se shkelja ka qenë nga ana e protestuesve dhe jo nga e punonjësve të policisë.

Sipas tij, efektivët kanë bërë punën në mënyrën më korrekte të mundshme.

?Këtu nuk ka asgjë të jashtëzakonshme. Është një pamje e papëlqyeshme sigurisht, por Shoqëria Civile është një koncept shumë më i gjerë sesa 5 vetë që dalin hapur thyejnë një ligj në shërbim të qytetarëve. Sepse ka një ligj që ndalon tubimet publike në kohën e pandemisë. As tre veta nuk mund të dalin dhe ta sfidojnë ligjin kur ligji është në fuqi.  Nëse do ta shihni me kujdes, kjo nuk është një ngjarje që meriton aq shumë vëmendje. Qytetarët janë në krah të policisë. Nëse të gjithë qytetarët do të silleshin kështu ne sot do të ishim në katastrofë. Ka patur shumë zëra që kanë nxituar të arrijnë në përfundime krejtësisht të papranueshme. Kanë artikuluar fjalën turp për Policinë e Shtetit, në fakt askush nuk mund të artikulojë këtë fjalë për Policinë e Shtetit. Ata po bëjnë detyrën në mënyrën më korrekte të mundshme”, deklaroi ai në emisionin “Opinion”./ CNA.al





Lajmet e fundit nga