web counter
LEXO PA REKLAMA!

SHKARKO APP

App Store
Google Play

E fundit!

x

Luhatja e rasteve të prekura/ Pipero: Qytetarët të jenë të vëmendshëm

5 Maj 2020, 19:15, Lifestyle CNA

Luhatja e shifrave të rasteve të prekura me Covid-19 nuk është shqetësuese për mjekun Pëllumb Pipero.

Infeksionisti deklaron se kjo vjen si shkak i lehtësimit të masave, ndërsa theksoi se qytetarët duhet të jenë të vëmendshëm dhe të repektojnë të gjitha masat.

Mjeku thekson se është shumë e rëndësishme që të mos tregohemi të shkujdesur këtë periudhë për të shmangur rritje të madhe të shifrave.

“Grafiku i epidemisë ka dëshmuar që ka pasur luhatje të vazhdueshme. Nëse i referohemi grafikut, ka luhatje, por tendenca e kurbës është në ulje të vazhdueshme. Rastet e konstatuara janë asimptomatike, por janë kontakte të kontakteve të shtruara më parë. Lëkundja, apo zig zaget e këtij grafiku dëshmojnë se ne jemi të fokusuar, apo gjurmojmë kontaktet, kontaktet e kontakteve. Pra jemi më afër vatrës dhe  bëjmë të mundur izolimin më shpejt të vatrës.

Për mua nuk është shqetësuese, por është një sinjal i fortë që tregon se në rast se  7 ditë më parë filloi lehtësimi i masave dhe 7 ditë më pas kemi një ngritje të rasteve, ky është një sinjal i rëndësishëm për t’i thënë qytetarëve që lehtësim i masave nuk do të thotë ulje e kujdesit, shmangie e këshillave për distancimin e fizik, respektimi i higjienës, vendosja e maskës. Në rast se nuk kemi kujdes mund të kthehemi prapa. Qytetarët duhet të jenë të vëmendshëm ndaj respektimit të masave të distancimit fizik dhe higjienës. Është shumë e rëndësishme të mos tregohemi të shkujdesur këtë periudhë”, nënvizoi Pipero në Rtv Ora./ CNA.al





Lajmet e fundit nga