E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Covid-19 godet rëndë artistët/ Njerëzit e artit drejt katastrofës, Stefi Prifti mesazh të fortë për qeverinë

5 Maj 2020, 10:15, Aktualitet CNA

Pothuajse gjithë bota po përballet me pasojat e vështira të Covid-19, i cili ka shkaktuar me mijëra viktima, por edhe po lë pasoja ekonomike katastrofike.

Ndërkohë, edhe në vendin tonë prej më shumë se dy muajsh, qeveria ka ndërmarë masa drastike, duke mbyllur qytetarët në shtëpi, për të shmangur kontaktin social, në mënyrë që të kufizohet shpërndarja e koronavirusit.

Por, karantina ka goditur rëndë ekonominë e vendit, dhe ata që janë prekur dhe kanë pasur pasoja katastrofike janë edhe artistët, pra njerëzit e artit.

Sigurisht që të parët që kërkojnë vëmendje nga autoritetet janë të varfërit, por tashmë që kanë kaluar dy muaj është koha për të kthyer vëmendjen edhe nga njerëzit e artit, të cilët janë goditur nga kriza.

Nuk ka koncerte, nuk ka lokale ku të punojnë, nuk ka fejesa dasma, evente, nuk ka grumbullime, që do të thotë se për ta është një situatë katastrofike

Dhe për sa kohë që nuk do të lejohen të tilla evente, në këto muaj, artistët, njerëzit që punojnë në fushën e artit kanë humbur me miliona.

Ndoshta nuk janë më të varfërit dhe ata nuk shihen me prioritet nga qeveria, por edhe këto kohë që po bëhen gati tre muaj ata kanë pasoja kolosale. Ata nuk janë milionerë, sepse ndoshta kanë më shumë të ardhura, por janë edhe ata që shpenzojnë më shumë. Është koha për të kthyer kokën edhe nga artistët dhe bashkëpunëtorët e tyre. Njerëzit e artit.

CNA.al pasi dje ka konstatuar se një pjesë e madhe e artistëve kanë filluar të reagojnë në rrjetet sociale të shqetësuar sepse karantina përtej faktit se i ka mbyllur në shtëpi, duke respektuar masat e qeverisë, iu ka lënë një dëm kolosal ekonomik dhe me pasoja të pakorrigjueshme.

Tani ata kanë filluar të reagojnë dhe CNA.al mori një prononcim nga një prej personazheve të njohura publike, i cili është profesionist dhe shihet si një figurë me një mendim të pjekur artistik dhe qytetar. Ky është njëri nga vëllëzrit korçar, Stefi Prifti.

Në një prononcim për CNA.al theksoi se është e kuptueshme emergjenca e të varfërve, por shtoi se nuk mund të çohen edhe artistët në një gjendje të mjerueshme.

?Ok, e kuptojmë emergjencën e një pjese të popullsisë së varfër dhe shpesh mbështesim sa mundemi këtë shtresë në nevojë, por kjo nuk do të thotë t?i cojnë edhe artistët në gjendje të mjere, të papërkrahur dhe të injoruar!

Ja po durojmë edhe një muaj tjetër ne, po kush na siguron se pastaj fillojmë pune? Askush! Ku e dimë ne se kur do marrim rrogën e parë? Ne nuk jemi as kaq të pasur dhe as armiq të vendit..! Shtetasit shqiptarë duhet të kenë të drejta të barabarta në të tilla raste.?-tha Stefi Priftti.

CNA.al gjithashtu do t?iu drejtohet edhe shumë personazheve publike, artistëve dhe njërëzve të artit, për të reaguar bashkë me ta dhe për të kërkuar në emër të tyre që të ketë një reagim, të ketë një vlerësim pasi dëmi që iu është shkaktuar dhe kosos që kanë pësuar janë shumë të mëdha.

Shumica prej tyre nuk janë të pasur, por janë njerëz që bëjnë jetë normale dhe në këtë kohë karantine kanë dëme të mëdha. Ka edhe të tjerë ndoshta që nuk duan të përfshihen. Por, arti dhe skena nuk është thjeshtë një vend që ndoshta paguhet më shumë, por janë me qindra njerëz që qëndrojnë nga pas. Dhe po të shikojmë efektin zinxhir është një katastrofë ekonomike për një grup të caktuar që fatkeqësisht është lënë jashtë vëmendjes në këto kohë./ CNA.al