A do bëjmë pushime këtë verë?/ Eksperti i turizmit jep lajmin e mirë, konsultime për masat dhe protokollin

27 Prill 2020, 10:10, Aktualitet CNA

Kreu i Shoqatës së Turizmit, Zak Topuzi ka qartësuar situatën e krijuar nga koronavirus në sektorin e turizmit.

Për Topuzin, një industri mjaft e rëndësishme për ekonominë shqiptare si ajo e turizmit duhet të marra masa specifike për hapjen e saj.

Në një lidhje direkte në emisionin ?Rreze dielli? në Report tv, eksperti i turizmit, tha se ditën e premte në një takim virtual me ministrinë e Turizmit, u diskutua për mënyrën e hapjes me faza të këtij sektori dhe protokollin për mbrojtjen e pushuesve, por edhe personelit. Topuzi shprehet optimist se hapja e këtij sektori mund të jetë afër dhe se për dy javë mund të kemi një pasqyrë të qartë sesi do të veprohet.

?Në fakt në takim me ministrin e Turizmit dhe ekspertët tanë kërkuam hartimin e një strategjie hapje e cila duhet të jetë me faza dhe sigurisht përcaktohen edhe standardet. Duhet të hartohet një protokoll i cili lidhet me mbrojtjen e konsumatorit dhe personelit. Është një protokoll I cili po punohet, ne shpresojmë që sot ministria ta ketë gati dhe dhe do ta dërgojë për konsultim. ky është hapi I parë, nuk mund të kemi turizëm me karantinim. Ky është hapi I parë, kur do të jetë hapja dhe protokolli që do të ndiqet. Problem tjetër është reklamimi që duhet bërë për turizmin, pra po flasim për një hapje, një lëvizje, ndërkohë që duhet bërë reklamimi, fondet që ka ministria duhet të përdoren për reklamimin që njerëzit të shohin nga afër që Shqipëria i plotëson standardet.? ?u shpreh Topuzi.

Topuzi tha se po ndiqen rekomandimet nga organizatat ndërkombëtare të turizmit, ndërkohë që sot pritet ti rekomandohet nga Ministria e Turizmit dhe një program paraprak për hapjen.

?Ne ndjekim në mënyrë të vazhdueshme cfarë ndodh në botë dhe rekomandimet që japin organizatat ndërkombëtare që janë në pararojë për hapjen. Italia po bëhët gati, po diskuton disa modele, sot edhe ne këmi hartuar programin e hapjes, do na komunikohet sot neve si palë, ne do e diskutojmë pasi ka nevojë për trajnime online dhe të jemi gati për një hapje e cila dhe mund të jetë afër. Greqia është gati të hapë me fqinjët kufinjtë, duhet të bëhemi gati sepse për 2 javë shumë gjëra do jenë gati dhe do jetë faza që nuk duhet të mendojmë vetëm për izolim dhe për të larë duart.? ?deklaroi Topuzi.