web counter
LEXO PA REKLAMA!

SHKARKO APP

App Store
Google Play

"Menaxhimi s'është perfekt"/ Meta justifikon qeverinë: Edhe OBSH i ka ndryshuar qëndrimet

25 Prill 2020, 15:40, Politikë CNA

Presidenti Ilir Meta tha se fatmirësisht për shkak të masave të marra dhe për shkak të reagimit të përgjegjshëm të qytetarëve është arritur, që situata të jetë relativisht e qëndrueshme dhe e menaxhueshme.

Kreu i Shtetit tha se zgjatja e masave shtrënguese ka patur dhe ka sfida të tjera mjaft shqetësuese për të gjithë, ndërsa veçoi këtu sipërmarrjen dhe qytetarët që kanë rrezikuar vendet e tyre të punës.

Meta justifikoi masat e qeverisë, teksa tha se edhe OBSH i ka qëndruar disa herë qëndrimet e saj.

“Ne kemi diskutuar vazhdimisht për masat shtrënguese dhe duhet të kemi në konsideratë, që nuk ka një menaxhim perfekt të kësaj krize asgjëkund. Ne kemi vënë re që vetë Organizata Botërore e Shëndetësisë, e cila duhet të ishte lider në udhëzime dhe në orientimin e të gjithë vendeve për marrjen e masave ka ndryshuar disa herë vlerësimin e saj për këtë virus apo për këtë sëmundje derisa edhe situata e pandemisë u shpall me mjaft vonesë, siç deklarohet sot nga shumë vende. Dhe vende të ndryshme kanë patur qasje të ndryshme, sepse është një eksperiencë gati e re, e panjohur më parë ose diçka e ngjashme mund të ketë ndodhur shumë dekada më parë.

Kështu që në këtë drejtim ne duhet të jemi tërësisht të fokusuar në vlerësimin sa më objektiv të treguesve aktual, si përsa i takon shëndetit publik, si përsa i takon gjithashtu treguesve të ekonomisë në mënyrë që të ruajmë balancën e duhur dhe të fillojmë të përshtatemi gradualisht hap pas hapi për t?u rikthyer drejt normalitetit, por pa cënuar sigurinë e masave shëndetësore”, u shpreh Presidenti në emisionin “Kjo Javë”./ CNA.al





Lajmet e fundit nga