web counter
LEXO PA REKLAMA!

SHKARKO APP

App Store
Google Play

E fundit!

x

Kardiologu këshillon të sëmurët me zemër/ "Mund ta pësojnë më shumë nga patologjitë se nga koronavirusi"

25 Prill 2020, 17:17, Lifestyle CNA

Kardiologu Mihal Tase tha se të sëmurët me zemër duhet të kenë shumë kujdes, pasi janë më të rrezikuar gjatë kësaj kohe pandemie.

Ai tha se ata rrezikohen më shumë nga patologjitë e zemrës sesa nga koronavirusi.

“Numri i të sëmurëve që vuajnë nga zemra është më i madh se numri i të sëmurëve nga një sëmundje tjetër. E para këshillë është që të bëjnë shumë kujdes për sëmundjen që kanë se mundësia më e madhe është ta pësojnë nga vetë patologjitë e zemrës, më shumë se nga koronavirusi”, u shpreh mjeku në emisionin “Kjo Javë”.

Tase theksoi se ata kanë përgatiutur disa këshilla për mjekun e familjes që flasin për sëmundjet e zemrës, insuficensën kardiake, hipertensionin, ku janë përpjekur t?i sqarojnë shenjat e rëndimit të sëmundjes.

Gjithashtu kardiologu tregoi se në pavionin ku ai punon nuk ka pasur deri më tani të infektuar me koronavirus dhe nuk ka pasur kontakt të drejtëpërdrejtë me asnjë të prekur, por rrëfeu se një mik i tij mjek ishte konsultuar me të për dosjen e të moshuarës që ndërroi jetë në Durrës nga Covid-19./ CNA.al





Lajmet e fundit nga