web counter
LEXO PA REKLAMA!

SHKARKO APP

App Store
Google Play

Kardiokirurgu Çelaj: Jo të gjithë personat që kanë probleme me zemrën janë të rrezikuar nga koronavirusi

18 Prill 2020, 14:47, Lifestyle CNA

Kardiokirurgu shqiptar që jeton në SHBA Sulejman Çelaj, tregoi ditën e sotme se jo të gjithë personat që kanë probleme me zemrën janë të rrezikuar.

Çelaj deklaroi se personat më të rrezikuar janë ata që kanë funksion të dobësuar të zemrës, ndërsa theksoi se ata që kanë bërë ndërhyrje kardiovaskulare nuk kanë probleme.

“Mund të t?ju them njerëzit me pamjaftueshmëri të zemrës janë më të rrezikuar. Sepse funksioni i zemrës është i dobësuar dhe kanë rrezikun më të lartë të vdekshmërisë. Pacientët që kanë trajtuar një aritmi të lehtë, me ndërhyrje të tjera kardiovaskulare, zakonisht nuk kanë probleme. Mund të kenë ndonjë aritmi që është e kalueshme. Këto janë ata që unë i shoh më pak të rrezikshme.  Por ata që kanë probleme të pamjaftueshmërisë së zemrës dhe sidomos ata që kanë stenda dhe bypass të jenë shumë të kujdesshëm, shohim shumë infarkte. Shumica e atyre që kanë probleme dhe virusin nuk po ia dalin”, u shpreh ai në një lidhje me Abc News.

Më tej, mjeku tha se personat që infektohen duhet të paktën dy javë që ta kalojnë koronavirusin, ndërsa pretendon se nga dita e 9 deri në të 12-ën janë më kritiket.

“Përafërsisht pacientët kanë simptoma të lehta për 4-5 ditë, nga fundi i javës në urgjencë dhe bëjnë testime paraprake, 9-12 më kritike. Kur e kalojnë ditën e 13 aty e shoh që përmirësohen. 2 javë”, theksoi kardiokirurgu.

“Kemi pasur shumë kur gjendja e mushkërive është stabilizuar, u kemi nxjerr tubin nga goja, kanë marrë frymë lirshëm. Por, ndërkohë brenda disa orëve po krijojnë edhe inflamimi i muskulit të zemrës dhe po shkojnë në shok kardiogjenik shumë shpejt. Ata pacientë janë në gjendje të paparashikueshme”, nënvizoi ai më tej./ CNA.al





Lajmet e fundit nga