“Po dëmtohet ekonomia dhe shëndeti i shqiptarëve”/ Shano: Çfarë duhet të bëjë qeveria

14 Prill 2020, 07:08, Ekonomi CNA

Ekonomisti Dritan Shano komentoi sot masat e reja të qeverisë për biznesin në këtë periudhë pandemie.

Në një intervistë për Enkel Demin me ?Abc-ja e mëngjesit?, Shano tha se këto masa nuk janë të mjaftueshme.

Ekonomisti theksoi më tej se hipoteza e infeksionistëve po dëmton më shumë ekonominë, ndërsa ka dhënë edhe sugjerimet se çfarë duhet të bëjë qeveria.

?Vendi po qeveriset keq nga infeksionistë dhe nga epidemiologë. E bazuar kjo, ?po qe se bëjmë këtë do na vdesin kaq?. Kjo është e pavërtetuar. Hipoteza e infeksionistëve sot po dëmton fort jo vetëm ekonominë, por po dëmton shëndetin e 95% shqiptarëve të shëndoshë. E dyta, edhe në komunikimet me gazetarë të tjerë kam folur për instrumentat që ka në dorë qeveria. Është rishikimi total i biznesit, eliminimi i të gjitha shpenzimeve të panevojshme, duke filluar nga PPP-të. Ministria e financave duhet të vdalë dhe të deklarojë që e ka bërë këtë gjë. Mund të marrë borxh dhe qeveria po merr borxh rëndshëm. Qeveria ka të drejtën të përdorë rezervën valutore të Bankës së Shqipërisë. Pasi të izaurohen të gjitha këto atëherë qeverise i mbeten edhe dy rrugë: Printimi i parave dhe shtrirja në gjunjë përpara një fuqie tjetër më të madhe duke i kërkuar para?, tha Shano mes të tjerash.

Sa i takon masave të qeverisë, ai tha se nuk janë të mjaftueshme.

?Në të ashtuquajturën ?paketë të parë? numrin e madh të ankesave që kishte për mungesë përfitimi, për përjashtime dhe me radhë. Gjithë ndihma që qeveria premton të hedhë në drejtim të njerëzve dhe ekonomisë ka disa karakteristika. E para ka qenë sjella e qeverisë që të fitojë kohë dhe kohën e fiton duke qenë e paqartë, duke vonuar pagesa.?-tha Shano.

Po ashtu ai tha se këto masa nëse do zbatoheshin me shpejtësi injektojnë para.

?Këto deklarata bëjnë që njerëzit të grihen pak nga pesimizmi ku kanë rënë dhe të harxhojnë edhe lekun e fundit që kanë në xhep sepse mendojnë se këto para do i vijnë. Nëse këto para vonohen atëherë kemi një situatë shumë të keqe. Një gjë është e sigurtë, të varfrit do jenë akoma edhe më të varfër , kjo vlen për gjithë botën, por edhe për Shqipërinë që është edhe një nga vendet më të varfra të botës. Klasa e mesme shqiptare do varfërohet, do zbresë shkalllë. Të vetmit që nuk do preken në këtë mes janë shumë të pasurit dhe bankat private. Të gjithë të tjerët do e ndjejnë fort këtë gjë dhe sa më shumë të vonohen këto masa aq më situatë e keqe në pret në vijim.?-u shpreh ekonomisti.