Connect with Us

….në dyert e SPAK

Kronika

….në dyert e SPAK

Publikuar

-

Dosja 184, do të duhej të ishte prova e parë për prokurorët e SPAK, që të dëshmonin jo vetëm pavarësinë e tyre, por edhe se më në fund mund t’i bënin ballë presionit politik.

Është dosja, ku zyrtarë të lartë socialistë, ministra, ish-ministra, deputetë, apo zyrtarë të lartë të policisë, arsimit e tatim taksave, u përgjuan duke biseduar për rezultatin e zgjedhjeve të pjeshme vendore në 2016 për Bashkinë e Dibrës. “Tërmet”, dëgjohej të thoshte Damian Gjiknuri, teksa komentonte fitoren e thellë që PS-ja kishte siguruar në Dibër.

Bisedat e publikuara nga tabloidi gjerman BILD, ngrinin dyshime të forta se një mekanizëm i tërë ishte ngritur për të deformuar rezultatin zgjedhor. Megjithatë, kjo mund të thuhej me siguri, vetëm nëse drejtësia do ta kishte thënë fjalën e saj. Nëse eksponentët e lartë socialistë blenë ose jo vota këtë s’ka sesi ta dijë opinioni publik, sepse drejtësia deri më tani se ka bërë punën e saj. Nga SPAK, pritej të merrej vesh e vërteta. Por, Prokuroria e Posaçme e nisi punën duke e refuzuar këtë dosje.

Fashikujt e 184 e kanë bërë shpesh rrugën Tiranë-Dibër e anasjelltas. Njëherë kur Arta Marku vendosi si prokurori më i lartë që hetimet të zhvilloheshin në Dibër, pas përplasjes që pati mes prokurorisë që vogël të një qyteti thuajse të harruar dhe prokurorisë për Krime të Rënda. Për të dytën herë Arben Kraja tha se “184 nuk është kompetencë e SPAK”. Materialet u përcollën sërish në Dibër. Gjasat janë që dosja të “varroset”.

Kjo sepse, SPAK, struktura që u ngrit për të hetuar korrupsionin dhe krimin e organizuar i lau duart prej saj. E ky ishte zhgënjimi i madh për të gjithë ata që shpresonin tek “drejtësia e re”. SPAK nuk ka shumë që ka nisur nga puna. Me 19 dhjetor 2019, 8 prokurorët e parë u betuan para presidentit dhe nisën zyrtarisht punën. Kanë kaluar thuajse tre muaj prej atij momenti. E përgjatë kësaj kohe prokuroria e posaçme s’ka dhënë ende asnjë sinjal se do të godasë “peshqit” e mëdhenj të krimit e korrupsionit. Ende nuk ka dhënë një përgjigje për fatin e Vangjush Dakos, i cili u kap në përgjime me grupin kriminal Avdylaj. SPAK dështoi në hetimin e dosjes 339. Së fundmi gjykata e Posaçme kundër Korrupsionit e Krimit të Organizuar i ktheu mbrapsht një prej fraksioneve të kësaj dosje, pasi konstatoi se akuzat ndaj të dyshuarve si anëtarë të grupit kriminal për cështjen e trafikut të heroinës që u kap në Branogë të Hasit, ishin të paqarta. Për këtë i la një muaj kohëprokurorisë së posacme të riformulonte akuzat. Një tjetër goditje kjo për strukturën e posacme.

Hetimi për Adriatik Llallën gjithashtu rezultoi vetëm një fluskë. Nga 4 akuza të rënda, zyrtarisht mbi supet e njeriut që drejtoi institucionin e akuzës, rëndon vetëm ajo e mosdeklarimit të pasurisë, që edhe nëse cilësohet fajtor maksimumi i dënimit është vetëm 3 vjet. Hetimet për Llallën nisën me bujë të madhe, por po mbyllen pa zhurmë, sepse prokuroria s’mundi të bëjë punën e saj. Dosja e 3 gjyqtarëve që shpëtuan Dritan Dajtin nga burgimi i përjetshëm, është gjithashtu një dështim i strukturës së posacme, për sa kohë që Gjykata e ktheu mbrapsht, pasi i konsideroi hetimet të paplota. SPAK ka heshtur edhe kur media ka denoncuar. Ka mbyllur sytë përballë fakteve. Ka bërë sikur si ka parë, sikur nuk ekzistojnë.

LEXO EDHE:  Indonezia nuk gjen paqe/ Regjistrohet një tërmet 5.5 ballë

Pasuria marramendëse e Ben Blushit, partneriteti i tij në biznes, me emra të shumëpërfolur, do të duhej të ishte një dosje e SPAK tashmë, por të gjithë prokurorët kanë heshtur. Kanë mbyllur sytë përpara fakteve të pakundërshtueshme. Është një dosje, që nëse merret seriozisht, mund të jetë të nesërmen një sukses i strukturës, për të cilën u paguan miliona nga partnerët për ta ngritur.

SPAK ka mbyllur deri më tani sytë për koncesione e tendera të dyshuara korruptivë. Me dashje apo nga paaftësia, kjo është gjithcka po ndodh në realitet. Prokurorët thonë nën zë se janë të ngarkuar me dosje që u kanë ardhur nga rrethet, se ka denoncime në masë, por që brenda tyre s’ka të dhëna konkrete që të japin rezultat, se ende s’kanë zyra dhe BKH s’ka nisur nga puna. Të gjithë këto të kuptueshme. Por, i pakuptueshëm mbetet fakti sesi SPAK mbyll sytë nga korrupsionit që ndodh ditën për diell. Hesht për skandalet, ku dalin të dhëna për zyrtarë të lartë.

Sot, SPAK mburret me sekuestrimin e dy makinave të blinduara, atë të Lulzim Berishës dhe Durim Bamit, në kuadër të aktit normative OFl, në thelb sipas juristëve antikushtetues. Aktualisht edhe OFL është ndërprerë./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Qëlloi me armë zjarri dhe kërcënoi një qytetar/ Arrestohet 19 vjeçari në Vlorë

Publikuar

-

Nga

Qëlloi me armë zjarri dhe kërcënoi një qytetar/ Arrestohet 19 vjeçari në Vlorë

Policia e Vlorës ka arrestuar në flagrancë një person, i cili dyshohet se ka kanosur me armë një person tjetër për motive të dobëta.

Konkretisht raportohet se është vënë në pranga i riu me iniciale D. Z., 19 vjeç, banues në Vlorë.



Kapja dhe arrestimi i tij u bë pasi gjatë orëve të natës, në ambientet e jashtme të një hoteli në lagjen “Ujë i Ftohtë” Vlorë, dyshohet se ka qëlluar me armë zjarri pistoletë në ajër duke kanosur kështu shtetasin T. D, për motive të dobëta.

LEXO EDHE:  Denoncimi/ Vjedhje dhe korrupsion në Ministrinë e Mjedisit

LEXO EDHE:  Denoncimi/ Vjedhje dhe korrupsion në Ministrinë e Mjedisit

MNdërkaq, materialet iu referuan Prokurorosë për veprime të mëtejshme në ngarkim të këtij shtetasi për veprën penale “Armëmbajtja pa leje” dhe “Kanosja”./ CNA.al

LEXO TE PLOTE

Kronika

Dhunohet me mjete të forta 21 vjeçari në Lezhë/ Dërgohet në gjendje të rëndë në spital

Publikuar

-

Nga

Dhunohet me mjete të forta 21 vjeçari në Lezhë/ Dërgohet në gjendje të rëndë në spital

Një ngjarje e rëndë është regjistruar mbrëmjen e djeshme në Lezhë.

Sipas asaj që raporton Ballakan web, një i ri, 21 vjeç me inicialet G.K është dhunuar me mjete të forta.



I riu është dërguar në gjendje të rëndë shoku në Spitalin e Lezhës, ndërsa rasti është raportuar sot.

Policia ka nisur hetimet, për zbardhjen e plotë të rrethanave të ngjarjes si dhe ka shpallur në kërkim autorin./CNA.al

LEXO TE PLOTE

Kronika

Aksidentoi për vdekje një femër/ Ekstradohet nga Shqipëria në Kanada 39-vjeçari

Publikuar

-

Nga

Aksidentoi për vdekje një femër/ Ekstradohet nga Shqipëria në Kanada 39-vjeçari

Ekstradohet nga Interpol Tirana drejt Kanadasë shtetasi shqiptar E. K., 39 vjeç. Policia bën me dije se ai ishte shpallur në kërkim ndërkombëtar nga autoritetet kanadeze të drejtësisë, bazuar në urdhër-arrestin e datës 15.06.2018 të Gjykatës British Columbia, Kanada, si person nën hetim për veprën penale “Neglizhencë me pasojë vdekjen”, parashikuar nga Kodi Penal kanadez.

Interpol Tirana vijon bashkëpunimin me homologët, për kapjen dhe ekstradimin e personave të shpallur në kërkim ndërkombëtar.

Si rezultat i këtij bashkëpunimi, ditën e sotme, nga Interpol Tirana është bërë ekstradimi nga Republika e Shqipërisë drejt Kanadasë, i shtetasit shqiptar Erjon Kashari, 39 vjeç.

Ky shtetas ishte shpallur në kërkim ndërkombëtar nga autoritetet kanadeze të drejtësisë, bazuar në urdhër-arrestin e datës 15.06.2018 të Gjykatës British Columbia, Kanada, si person nën hetim për veprën penale “Neglizhencë me pasojë vdekjen”, parashikuar nga Kodi Penal kanadez.

LEXO EDHE:  Ylli Manjani tha të vërtetën/Klement Balili sheh duke tymosur!

LEXO EDHE:  Meta nuk humbet kohë/ Depoziton sot kallëzimin penal për Gjonajn

Përmbledhje e ngjarjes së ndodhur:



Në vitin 2014, në Richmond, Kanada, ky shtetas, duke drejtuar një automjet tip kamion, ka përplasur shtetasen C. M., e cila për pasojë ka gjetur vdekjen.

Gjykata e British Columbia, Kanada, më datë 25.06.2018 ka vendosur masën e sigurisë “Arrest në burg”, për shtetasin shqiptar E. K.

Ky shtetas është arrestuar në vendin tonë më datë 17.07.2019, me qellim ekstradimin drejt Kanadasë.

Autoritetet gjyqësore shqiptare kanë dhënë miratimin për ekstradimin nga Republika e Shqipërisë në drejtim të Kanadasë të shtetasit E. K., i cili iu dorëzua oficerëve të policisë kanadeze në aeroportin “Nënë Tereza” Rinas. /CNA.al

LEXO TE PLOTE