web counter
LEXO PA REKLAMA!

SHKARKO APP

App Store
Google Play

Berisha denoncon tenderin e respiratorëve/ "Zbulon kompaninë fituese dhe ortakërinë me Carlo Bolinon"

2 Prill 2020, 19:10, Politikë CNA

Ish-kryeministri Sali Berisha ka bërë një denoncim të fortë lidhur me kompaninë që ka fituar tenderin e respiratorëve në vendin tonë.

Berisha pretendon se pronari i kompanisë fituese është ortak i gazetarit Carlo Bolino dhe së bashku kanë fituar tenderin e dekoderave.

Sipas tij, tenderi u la vetëm një ditë i hapur dhe eleminuan nga gara një kompani amerikane që ka shumë eksperiencë për respiratorët.

“Këta po vjedhin në epidemi. Unë do informoj shqiptarët lidhur me tenderin e respiratorëve. Tenderin të cilët mungonin dhe që sot u gënjye për të, u shpall më datën 18 mars dhe u mbyll në datën 19 mars. U eleminua kompania amerikane e respiratorisë, e cila është 1-shi në botë për respiratorë dhe fitoi një kompani tjetër “Resvent Acient” me ofertën më të shtrenjë. Kjo është një kompani kineze, që bashkon pjesë në Gjermani.

Kompania premtoi se do sillte në krye të javës 20 aparate dhe solli gjithsej sot 5 aparate. Dhe kontrata e kompanisë nuk ka penalitete. Kush është kjo kompani, kjo është një kompani e denoncuar me dhjetëra herë nga Kontrolli Lartë i Shtetit, për hir të vërtetës është denoncuar edhe nga Sali Berisha. Kjo është kompania që së bashku me Carlo Malavitën, fituan, një ortak i Carlo Malavitës, tenderin për dekoderat televizivë dhe në atë kohë bëra një status. E lumturoi thashë Ramën për vit të ri sepse fitoi tenderin ortaku i Carlos, vetëkuptohet Carlo po dhe natyrisht Rama me Carlon dhe me ortakun e Carlos. Ky zotëri ka sjellë për herë të parë, s’është marrë kurrë me aparatura mjekësore, për herë të parë në maj të vitit 2019 ka sjellë 4 defibrilatorë”, deklaroi ish-kryeministri./ CNA.al





Lajmet e fundit nga