web counter
LEXO PA REKLAMA!

SHKARKO APP

E fundit!

x

Abuzuan me çmimet / Procedohen penalisht dy pronare farmacish në Durrës

15 Mars 2020, 08:05, Kronika CNA

Policia e Durrësit ka kryer kontrolle të befasishme në të gjitha farmacitë, për parandalimin e tregtimit të medikamenteve me çmime abuzive dhe fshehjes së të ardhurave.

Në sajë të operacionit të koduar “Medikamenti”, blutë kanë proceduar 2 pronare të farmacive, për veprën penale “Fshehja e të ardhurave?.

Bëhet fjalë për shtetaset me iniciale S. L., 32 vjeçe, banuese në Durrës dhe E. D., 40 vjeçe, banuese në Shijak, Durrës.

Gjatë kontrollit të ushtruar në farmacinë në lagjen Nr. 13, u gjetën dhe u sekuestruan një sasi disifektantësh për duart (xhela antibacterial), pa faturë tatimore, të cilët shiteshin me çmime abuzive, si dhe në farmacinë në lagjen Nr. 4, u konstatuan shitje pa kupon tatimor.

Policia paralajmëron se kontrollet e befasishme do vijojnë në të gjithë qarkun, për parandalimin dhe goditjen e paligjshmërisë dhe përfitimit nga situata e krijuar duke abuzuar me çmimet jo vetëm të medikamenteve, por të çdo produkti për konsum nga qytetarët.

Ndërkaq, materialet i kaluan Prokurorisë së Rrethit Gjyqësor Durrës, për veprime të mëtejshme./ CNA.al





Lajmet e fundit nga