Meta fut në sherr gazetarët/ Muhamed Veliu i kthehet rendshëm Andi Bushatit

6 Mars 2020, 19:37, Aktualitet CNA

Publikimi i letrës së Ilir Metës drejtuar Komisionit Europian kundër Edi Ramës, ndër të tjera ka futur në ?sherr? edhe mediet. Portali Lapsi.al, i drejtuar nga Andi Bushati dhe Armand Shkullaku, kanë sulmuar Top Channel dhe gazetarin Muhamed Veliu, se janë përdorur nga Rama, për publikimin e letrës së Metës.

?Dje në një kronikë të Top Channel hiqej paralelja mes shqetësimit dramatik të Metës dhe faktit se ajo bëhej vetëm një ditë pasi Komisioni Europian propozoi çeljen e negociatave mes BE dhe Shqipërinë.

Dhe si për çudi ?zbulimin? e saj e kishte bërë një gazetar si Muhamed Veliu, që herë shërben si rrogtar i qeverisë, dhe herë paguhet si reporter i pavarur. Pasi ku skandal u mbars e gjithë rilindja u hodh në sulm me slloganin e armikut që do të pengojë intergrimin.

Pas kësaj zhurme Presidenca botoi letrën e plotë me nxjerrjen në dritë të së cilës u vunë re dy gjëra. Së pari, se presidenti, ndryshe nga çakuzohej e kishte kërkuar shkurt dhe shkoqur hapjen e negociatave. Së dyti, as akuza se letra e zezë u bë nga marazi pasi Komisioni Europian dha një rekomandim pozitiv, nuk qëndron?, shkruan Lapsi.al, që e mbyll shkrimin:

?Pra , sikurse shihet nuk ka asgjë të vërtetë në akuzat se Ilir Meta po përpiqet të pengojë hapjen e negociatave. Por me sa duket propaganda e ramës ka mbetur aq keq sa do të shfrytëzojë metodat që Berisha përdorte vite më parë dhe gazetarë si Muhamed Veliu.

? Pas këtij shkrimi pa autor, ka reaguar vetë gazetari Muhamed Veliu, i cili replikon me Andi Bushatin. ?Tavarish Andi, Ilir Meta s?ka nevojë për avokaturën tënde, kujdes nga SPAK?

Tavarish Andi Bushati i cili merr edhe një rrogë në të njëjtin televizion ku unë punoj, përmes lapsit të tij të thyer, lëshoi helmin e radhës ndaj meje dhe Top Channel, duke marrë rolin e avokatit presidentit Ilir Meta. Kjo është unike dhe e paparë, të vihesh në shënjestrën e ndryshkur të një personi, që punon part time në të njëjtin televizion sikurse unë.

Ata që e njohin më thanë, Met, mos u habit që ai Andi dhjet edhe atje ku han. Tavarish Andi që drejton port-halin më impotent që ka media shqiptare, njësoj si impotenca e tij mendore ngjizur në vilën e bllokut komunist, në vitin 2019 ishte pjesë e një studimi të NATO-s për financimet e dyshimta në median shqiptare. As Andit dhe as port-hales të tij askush nga Presidenca nuk ia kërkoi të bëhet avokat i presidentit, për aq kohë sa i pari i vendit, ka një jurist të shkëlqyer si Bledar Dërvishaj dhe shumë të tjerë që e këshillojnë.

Më shumë se sa të bëjë avokatin e pa-kërkuar nga Presidenti, se me gjasë zotit Meta, i mjafton edhe ajo ekstra e Avokates së nderuar të Popullit, Andi Bushati bën mirë, ta mendojë seriozisht gjetjen e një avokati për veten e tij, se ku i dihet mbase ka afruar dita kur SPAK mund t?ja dërgojë një pusullë tek zyrat afër TVSH ku një m2 kushton 3.000 euro.

Tavarish Andi, të fala edhe mikut tënd ish- ministër Drejtësie?..

Kaq për sot?, shkruan gazetar Muhamed Veliu.