E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Rama e priti me nderime dhe puthje/ Socialistit më të vjetër i kërkohet llogari për eshtrat e 14 martirëve të ekzekutuar

1 Mars 2020, 21:16, Politikë CNA

Ish-drejtori i Arkivës në Ministrinë e Brendshme dhe historiani Kastriot Dervishi i ka kërkuar llogari Ziqiri Meros, 100-vjeçarit që u prezantua nga kryeministri Edi Rama në Kongresin e PS si socialisti më i vjetër në moshë.

Rama kërkoi që të gjithë të pranishmit në Pallatin e Kongreseve të ngriheshin në këmbë dhe e puthi Meron në ballë. Por Dervishi thotë se i moshuari i ka shërbyer regjimit komunist dhe adhuron gjithë kriminelët e atij regjimi. Historiani delaron se Ziqiri Mero urren edhe fëmijët, gratë e pleqtë që vuajtën në kampin e Tepelenës pasi i ka quajtur ?kolaboracionistë?.

Sipas tij, Mero qan për çdo gjë që ka gatuar diktatura komuniste, nuk ndjen asnjë lloj pendese, është kurdoherë vigjilent ndaj ?armiqve të brendshëm? dhe është punëtor i palodhur për unitetin e partisë dhe hallet e proletariatit.

Historiani i kërkon llogari Meros për eshtrat e 14 martirëve të ekzekutuar në kohën e komunizmit, 8 në procesin e parë gjyqësor dhe 6 në të dytin.

?Ziqiri Mero ka qenë anëtar i Këshillit Gjyqësor Ushtarak të Divizionit të 3-të të Korparmatës së 2-të, në një proces ku u ekzekutuan plot 8 persona. Prokuror i procesit ka qenë Mit?hat Zaçe.

Ky këshill me vendimin nr.5a, datë 23.5.1945, (ku u gjykuan 20 persona), ndër të cilët u deklaruan fajtorë dhe u ekzekutuan: Enver Ibrahim Meko, Harun Hysen Rokaj, Nexhip Iljaz Canka, Hajdar Teki Zako (17 vjeç), Surja Xhemal Zoto, Mehdi Mehdi Lamçe, Sefedin Rushan Fazlliu dhe Estref Muslim Mustafaraj

U la në fuqi me vendimi nr.81, datë 24.5.1945 të Gjykatës së Lartë Ushtarake. Personat në fjalë kishin qenë më parë me forcat e Ballit dhe Legalitetit, por ishin bërë partizanë. Nga shqyrtimi i provave, ndaj tyre nuk rezulton asnjë krim apo vepër penale, por gjithçka është rreth dyshimeve se do formonin ?grupe? dhe se nuk kishin ?pastruar shpirtin nga e kaluara?, shkruan ai në rrjetet sociale.

Historiani thotë se në procesin tjetër, kapiteni Ziqiri Mero, si zëvendëskomandant i Brigadës së 1-rë, ka luajtur rolin e hetuesit dhe prokurorit.

?Bie në sy te ky grup pushkatimi i Farendin Angonin, një person që njihte fare mirë jetën e E.Hoxhës. Me vendimin nr…(s?ka), datë 4.6.1945 Këshilli Gjyqësor Ushtarak i Divizionit të 3-të të Korparmatës së 2-të, u vendos pushkatimi i këtyre personave: Faik Riza Tartari, Zef Sadri Kabashi, Gjon Cufi, Myrteza Bektash Satka, Lec Ndreca dhe Faredin Myrteza Angoni.

U la në fuqi me vendimin nr.108, datë 5.6.1945, të Gjykatës së Lartë Ushtarake. Nuk po përmend personat e tjerë të dënuar. Të paktën në këtë rast, Ziqiri Mero ka urdhëruar pushkatimin. Ai di vendin ku janë pushkatuar të ndjerët. Ka jetuar gjithë jetën e tij me skenën makrabre të pushkatimit dhe ka adhuruar në kulm diktaturën?, nënvizon Dervishi./ CNA.al

Ngriti në këmbë Pallatin e Kongreseve/ Kush është ?enveristi? që puthi Rama në ballë

Foto-Delegati socialist 100 vjeçar ngre në këmbë Pallatin e Kongreseve/ Rama e puth në ballë