web counter
LEXO PA REKLAMA!

SHKARKO APP

App Store
Google Play

E fundit!

x

Transportonin 27 klandestinë/ Arrestohen 9 persona në Korçë, një tjetër në kërkim

28 Shkurt 2020, 16:00, Kronika CNA

9 persona kanë rënë pasditen e sotme në prangat e policisë së Korçës, pasi u kapën duke transoportuar 27 klandestinë.

Mësohet se gjithashtu autoritetet kanë shpallur në kërkim një person, i cili nuk iu bind urdhrit të bluve për të ndaluar, por kreu manovra të rrezikshme me mjetin e tij, duke aksidentuar dy pasagjerë dhe më pas u largua nga vendngjarja.

Raportohet se në pranga janë vënë shtëtasit me inicale L.C., 35 vjeç, banues në Prishtinë, N.K., 43 vjeç, banues në Vushtrri të Kosovës, R.K., 29 vjeç, banues në Fushë-Kosovë, K.M., 21 vjeç, K.L., 19 vjeç dhe K. M., 21 vjeç, të tre banues në Tiranë, si dhe K.P., 21 vjeç, L.B., 20 vjeç dhe F.D., 19 vjeçe. Ndërkohë në kërkim u shpall i riu me inciale K.D., 21 vjeç, banues në Durrës.

Në fshatin Çiflig, Korçë, shërbimet e Policisë pasi kanë patur në ndjekje mjetet tip “Benz” dhe “Citroen”, me të cilat shtetasit K. P., L. B., F. D., dhe K.D., në bashkëpunim mes tyre ishin duke transportuar drejt Tiranës kundrejt fitimit 4 shtetas të huaj, i kanë bërë me shenjë drejtuesit të mjetit tip “Citroen” shtetasit K. D., që të ndalonte, por ky i fundit me qëllim shmangien e kapjes nga policia, kreu manovra të rrezikshme duke dalë nga rruga. Për pasojë janë dëmtuar dy shtetas të huaj, pasagjerë në këtë mjet, të cilët u transportuan në Spitalin e Korçës, ku më pas njëri prej tyre u dërgua në Tiranë për mjekim të specializuar.

Në Maliq, pranë vendit të quajtur “Tyrbja”, tre shtetasit kosovarë L. C; N. K., dhe R. K., janë kapur në flagrancë me mjetet tip “Volksëagen Golf” dhe “Volksëagen Sharan”, duke transportuar kundrejt fitimit 4 shtetas të huaj në drejtim të Tiranës, të cilëve më pas iu kishin premtuar kalimin drejt vendeve të BE-së.

Si edhe në dalje të qytetit të Pogradecit, tre shtetasit nga Tirana K. M; K. L., dhe K. M., janë kapur me mjetet tip “Volksëagen”dhe “Skoda” duke transportuar kundrejt fitimit në drejtim të Tiranës, 19 shtetas të huaj, emigrantë të paligjshëm.

Sakaq, materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprat penale “Ndihma për kalim të paligjshëm të kufijve, kryer në bashkëpunim”, “Mosbindja ndaj urdhrit të punonjësit të policisë së rendit publik” dhe “Shkelja e rregullave të qarkullimit rrugor”./ CNA.al





Lajmet e fundit nga