Artan Hoxha zbulon detaje/ Si u zhvillua aksioni për kapjen e 1.3 tonëve kokainë

20 Shkurt 2020, 15:59, Kronika CNA

Gazetari Artan Hoxha ka dhënë detaje nga sekuestrimi i 1.3 tonëve kokainë në një konternier bananesh të nisura nga Amerika Latine.

Hoxha tha se në Maqedoninë e Veriut nuk u sekuestrua 1.3 ton kokainë, por vetëm një pako, pasi pretendon se kokaina është zbrazur nga autoritetet italiane.

Ata kanë lënë vetëm një pako në kontenierë, të cilës i kanë vënë GPS, për të parë destinacionin përfundimtar, i cili mendohet të ketë qenë Koperi i Sllovenisë.

?Dje pati një përpjekje për mënyrën se si rrodhi informacioni për të dëshmuar me një informacion që policia jonë ishte e përfshirë. Ka qenë një operacion i kontrolluar nag DEA dhe DIA italiane. Ata hoqën kokainën dhe kanë vendosur allçi dhe paracetamol. Një operacion i ngjashëm u bë edhe për kokainën në Shqipëri. Praktika është që vihet një objekt tjetër i ngjashëm që të mos dallohet me dorë nga pritësit. Ndryshe mund ta dallojnë, siç ndodhi që Gentian Malindi e kuptoi dhe u zhduk në rastin e operacionit në Shqipëri pak muaj më parë.

Pjesa e ngarkesës prej 1.3 ton është hequr në Itali. Është lejuar të lëvizë kamioni me banane. Ka shkuar në portin e Tivarit. Në këtë port, ngarkesa është vonuar disa ditë. Ka patur dyshime nga ata që e kanë porositur. Fillimisht ata nuk janë paraqitur për ta marrë, pastaj janë paraqitur, por kanë ndryshuar destinacionin. Destinacioni final ishte qyteti port i Sllovenisë. Bëhet fjalë për Koperin. Aty ishte pika kua ajo do të tërhiqej nga trafikantët. Në fakt, ngarkesa ka qendruar në Tivar. Aty kanë dyshuar dhe kanë ndryshuar destinacionin duke e çuar në drejtim të Maqedonisë?, tha ai në studion e Abc News.

Siç edhe u transmetua edhe në media, gazetari tha se kokaina ka kaluar në Maqedoninë e Veriut përmes pikës kufitare të Hanit të Hotit në Shkodër dhe më pas ka dalë nga pika kufitare e Qafë Thanës.

Sipas tij, kontenierët kanë bërë dy ndalesa, njëra prej të cilave ka qenë në një lokal dhe hotel në Xibrakë, pranë laboratorit të drogës që u shkatërrua më 14 janar të 2014-ës.

Hoxha tha se aty policia ka dyshuar se mund të ketë ndërhyrje në kontenierë dhe është afruar për të vëzhguar, por askush nuk ka prekur kokainën.

?Para tyre lëvizte një automjet tjetër. Të tre kamionët me shoferë malazezë dhe shoqëruer shqiptar nga Maqedonia e Veriut. Kanë bërë një ndalesë në Shkodër për kafe. Kanë ardhur në Tiranë dhe kanë kaluar në drejtim të Elbasanit. Kanë ndaluar gjithashtu edhe në Xibrakë të Elbasanit ku ka një kafe. Gjatë gjithë lëvizjes janë monitoruar. Ka patur një ndyshim se mos ndërhynin për ta marrë drogën.

I vetmi problem ka qenë tek vendet ku kanë ndaluar se mos vinte dikush dhe merrte kokainën. Gjatë lëvizjes në territorin shqiptar kanë ecur normalisht deri në Qafë Thanë për të hyrë në Maqedoni. Pastaj në zonën e Sarajit është kapur. U dha lajmi për 1.3 ton, por aty është lënë 1 kg kokainë. Janë arrestuar vetëm njerëz të rangut të ulët, si shoferi, transprtuesi, etj., por nuk janë ata që e porositën?, theksoi ai.

Në ndalesën që është bërë në Maqedoninë e Veriut, kanë ndërhyrë autoritetet vendase, të cilat kanë sekuestruar pakon me drogë dhe kanë arrestuar 5 persona./ CNA.al