web counter
LEXO PA REKLAMA!

SHKARKO APP

App Store
Google Play

E fundit!

x

Dëbora “pushton” vendin/ Probleme në disa qarqe

5 Shkurt 2020, 08:17, Kronika CNA

Moti i keq që ka përfshirë vendin gjatë orëve të fundit ka shkaktuar probleme të shumta në furnizimin me energji elektrike në qarkun e Korçës dhe Pogradecit.

Sipas Report tv, pa energji elektrike kanë mbetur disa fshatra në Njësinë Administrative Ceraves në Pogradec, fshatra në Vithkuq, disa fshatra në Fushën e Korçës si dhe një lagje e tërë në Maliq.

Në qarkun e Korçës, raportohet se trashësia e dëborës ka arritur 10-15 cm, ndërsa në Voskopojë 5-10 cm.

Ndërkohë, mësohet se probleme ka pasur edhe në qarkun e Dibrës.

Trashësia e dëborës në rrugë ka bërë që të krijohen probleme me qarkullimin, gjithashtu dhe mungesë të energjisë elektrike, kryesisht në fshatrat në Trebisht, Zeqan e Tërnovë.

Po ashtu, edhe qyteti i Pukës është përfshirë gjatë orëve të fundit nga reshje të dendura dëbore. Trashësia e dëborës ka arritur në 12 cm, ndërsa me nisjen e reshjeve, Bashkia e Pukës angazhoi edhe punonjësit për pastrimin e rrugëve rurale.

Për të pastruar dëborën janë angazhuar tre mjete borëpastruese. Aktualisht në bashkinë e Pukës si pasojë e reshjeve të Borës nuk ka asnjë problem, ndërkohë që të gjithë institucionet arsimore u hapen dhe po funksionojnë normalisht dhe me ngrohje.

Bashkia Pukë po vijon monitorimin e situatë teksa pritet që qyteti të përballet me uljen e ndjeshme të temperaturave që pritet të sjellin ngrica.





Lajmet e fundit nga