web counter
LEXO PA REKLAMA!

SHKARKO APP

App Store
Google Play

SPAK ktheu mbrapsht dosjen “184”/ Reagon ashpër PD

28 Janar 2020, 14:44, Politikë CNA

Sekretari i Përgjithshëm i Partisë Demokratike Gazment Bardhi ka reaguar pasi SPAK nuk pranoi të marrë në dorë dosjen ?184? për shitblerjen e votave dhe e ktheu në Dibër

Bardhi e cilëson këtë vendim si politik dhe kundër interesave të Shqipërisë, ndërsa ngre akuzat se kreu i SPAK Arben Kraja, i cili është konfirmuar si hetues i komunizmit, nuk lejoi institucionin që drejton të hetojë kryeministrin Edi Rama, bashkëkryetarin e Reformës zgjedhore Damian Gjiknurin, kryebashkiakun Pjerin Ndreu dhe deputetin Ulsi Manja.

?Hetimi i dosjeve ku janë përfshirë zyrtarë të lartë, siç është kryeministri dhe disa deputetë të PS është detyrë ekskluzive e SPAK-ut.  Prokuroria e Posaçme u ngrit për t?i dhënë fund pandëshkueshmrisë së politikanëve dhe zyrtarëve të lartë, por akti i sotëm i shërbëtorit të Edi Ramës në krye të SPAK-ut godet çdo pritshmëri se Arben Kraja mund të sillej ndryshe nga Donika Prela, përsa kohë padroni i tyre është në krye të qeverisë.

Duke ridërguar dosjen 184 në Dibër, drejtuesi i SPAK, praktikisht, ka varrosur hetimin e një krimi të dokumentuar zgjedhor, i cili është kusht i Bundestagut gjerman për hapjen e negociatave të anëtarësimit të Shqipërisë në Bashkimin Europian?, deklaron demokrati.

Sipas Bardhit, Arben Kraja ka detyrim të japë sot sqarime publike pse i mohoi SPAK-ut mundësinë e hetimit të Edi Ramës dhe shpurës së tij për vjedhjen e zgjedhjeve në Dibër./ CNA.al





Lajmet e fundit nga