web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Vuçiç për Kishën e Deçanit/ Reagon ashpër Pacolli

29 Dhjetor 2019, 21:30, Kosova & Bota CNA

Ministri i Jashtëm i Kosovës, Behgjet Pacolli ka reaguar ashpër pas deklaratave të presidentit serb, Aleksandër Vuçiç për Kishën e Deçanit dhe Manastiret Ortodokse Serbe në Kosovë.

Përmes një  postimi në rrjetet sociale, Pacolli ka kundërshtuar fuqishëm Vuçiçin dhe politikanët e tjerë serbë, teksa deklaron se Kosova ofron mbrojtjen më të madhe të mundshme për objektet fetare.

Ministri i Kosovës pretendon se Kisha Ortodokse Serbe nuk e ka këtë mbështetje as në Serbi.

?Unë dua ta bëj të qartë Beogradit qe të ndal nxitjen e tensioneve në Kosovë, dhe vendet e tjera të rajonit. Këto deklarata sot tregojnë një shenjë të qartë qe Beogradi dëshiron të nxisë tensione në Kosovë para Krishtlindjes Ortodokse për të manipuluar serbët e Kosovës. Ligji për liritë fetare në Kosovë ka marrë miratimin e Komisionit të Venecias dhe është në përputhje me standardet evropiane, ai tani do të miratohet nga Kuvendi i Kosovës.

Lërini njerëzit të kenë festa normale dhe të qeta. Asnjë politikë në fe nuk është e nevojshme e aspak nga Beogradi që njihet për tendenca për manipulime me qytetaret serbë të Kosovës?, thekson ai./ CNA.al

 





Lajmet e fundit nga