E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Skandali/ Zana Çela përjashton nga koncerti i fundvitit dy këngëtarët më të mirë të Operas, Kllogjerin dhe Likaj

22 Dhjetor 2019, 18:52, Kulturë CNA

Në koncertin më të rëndësishëm të fundvitit të Teatrit Kombëtar të Operas nuk janë dëgjuar dy zërat më të mirë klasikë që kemi sot për sot, tenorët Armaldo Kllogjeri dhe Armando Likaj.

Lajmin e ka publikuar gazetarja Enkelejda Mema, ish drejtoreshë e marrëdhënieve me publikun pranë TOB.

Ajo në postimin e saj në rrjetin social shkruan: ?Armaldo Kllogjeri dhe Armando Likaj ndihuni të nderuar(që në fakt jeni) që nuk kenduat në koncertin e të premtes në “Parkun Olimpik” organizuar nga Teatri i Operas dhe Baletit.Nuk e di se cila ishte arsyeja që dy nga zërat më të rëndësishëm të operas shqiptare nuk i pashë të ngjiteshin në skenën e koncertit ?Ti nuk do të jesh kurrë vetëm”.

Ishte për shkak të disa të pranishmëve në publik, zgjedhje për arsye personale apo i përjashtuan nga koncerti?

Unë nuk besoj në rastësi, por në rastin tuaj jini falenderues!?. Duket se drejtorja e TOB, riardhur në krye të këtij institucioni kulturor për arsye politike, Zana Çela nuk është larguar nga mënyra e të drejtuarit siç bënte në vitin 2000, kur artistët shënuan protestën e parë historike kundër një ligji që i zhbënte ata edhe institucionalisht, por që nuk u realizua. Megjithatë Rama nuk ka harruar, dhe realiteti i sotëm ka përballë po artistë, por tani të tjerë, ata të Teatrit Kombëtar.

Ndërkohë në vitin 2000 kur drejtonte Çela Operan ishte e vështirë tëçahej solidariteti i artistëve në mes njëri tjetrit. Çela në atë kohë, por edhe tani e ka parë Operan si çifligun e saj duke u sjellë me artistët si të ishin pronë e paguar nga xhepat e saj, dhe jo të taksapaguesit.

Kjo ka qenë edhe arsyeja që shpesh zërat më të mirë të operas janë larguar nga atdheu. Kujtojmë këtu rastin flagrant dhe më skandaloz që ka ndodhur me tenorin Josif Gjipali, me të njëjtat motive si duket pse nuk pamë në skenën e fundvitit të operas dhe dy tenorët Kllogjeri dhe Likaj.

Në këtë kohë kur sindikata e artistëve mungon, dhe ata gjenden në mes të katër rrugëve dhe të nëpërkëmbur nga një copë drejtoreshe që nuk është e profilit, pa asnjë status mbrojtje ka domethënie. Të jetë politike?!/CNA.al