web counter
LEXO PA REKLAMA!

SHKARKO APP

App Store
Google Play

Pritet të votohet paketa e censurës/ Gazetarët në protestë përpara Parlamentit

18 Dhjetor 2019, 08:01, Politikë CNA

Sot pritet që në Parlament të miratohen ose jo projektiligjet e medias, paketa e censurës. Kjo paketë ka hapur shumë kundërtshi, si në rang kombëtar ashtu edhe ndërkombëtar. Vetë gazetarët që preken drejtpërdrejt nga ky projektligj kanë organizuar një protestë përpara Parlamentit, në orën 09:30.

Motoja e protestës është “Mos ma prek fjalën”, meqenëse shqetësimi kryesor në lidhje me këtë projektligj është censurimi i lirisë së shprehjes dhe lirisë së mendimit, censurim ky që nuk tolerohet për një shoqëri demokratike.

Organizatat e shoqërisë civile shqiptare të të drejtave të njeriut dhe organizatat përfaqësuese të gazetarëve paraqesin kërkesat, që sipas tyre janë tërësisht të përputhura me qëndrimet e Komisionit Europian dhe Komisioneres Mijatovic si më poshtë:

1. Nuk mund të ketë regjim rregullimi administrativ për median online, por regjime të tilla janë të pranueshme por jo të detyrueshme vetëm për median audiovizuale;
2. Një institucion administrativ si AMA nuk mund të zëvendësojë gjykatat në shqyrtimin e ankesave ndaj përmbajtjes së një publikimi;

Organizatat përsërisin kërkesën ndaj qeverisë shqiptare që të tërheqë projektligjet nga procedura parlamentare.

Meqenëse ky ligj nuk prek vetëm gazetarët, por cënimi i lirisë së shprehjes dhe mendimit shkon deri tek populli, duke ju mohuar, së pari, informacionin e pastër, gazetarët dhe organizatat kanë kërkuar që edhe shoqëria civile të përfshihet në protestën kundër paketës së censurës./CNA.al





Lajmet e fundit nga