web counter
LEXO PA REKLAMA!

SHKARKO APP

App Store
Google Play

“Do t’iu ulen në gjunjë”/ Andi Përmeti bën veprimin e papritur në Kuvend, sfida për deputetët   

18 Dhjetor 2019, 14:12, Politikë CNA

Deputeti i Bindjes Demokratike, Andi Përmeti gjatë fjalës së tij në foltoren e Kuvendit ka kundërshtuar hapur projektligjin e qeverisë, për censurën ndaj mediave.

Andi Përmeti, nga foltorja e Kuvendit, i drejtoi një kërkesë gazetarëve, ndërsa u shpreh se ?Unë sot kam dy kërkesa publike, për gazetarët.

Ky ligj na prek të gjithë neve këtu, por edhe të gjithë qytetarët. Bllokojini këta njerëz. Shkoni dhe merreni lajmin vetë, jo tua sjellin me kasetat e propagandës. Bëjeni këtë dhe do ta shikoni si do t’u ulen në gjunjë?.

Më tej, ai i drejtoi një sfidë publike edhe deputetëve të opozitës parlamentare.

?Kërkesa e dytë është për kolegët e opozitës. Ky është ligj i turpshëm. Sot ka ardhur koha që ne te vendosim nëse kemi ardhur për të bërë opozitë apo për tu bërë palë me Ramën. Ju kërkoj të dilni të gjithë jashtë gjatë votimit, është koha të tregoni nëse jeni opozitë?, tha Andi Përmeti.

Ndërsa në fund të fjalimit të tij, Andi Përmeti bëri edhe një veprim tjetër në shenjë proteste. Në kohën kur artikuloi frazën: ” Ky ligji i qeverisë ndalon fjalën e lirë”, në shenjë proteste deputeti Përmeti mbylli gojën me një shami të zezë./ CNA.al





Lajmet e fundit nga