web counter
LEXO PA REKLAMA!

SHKARKO APP

E fundit!

x

UKD jep njoftimin e rëndësishëm/ Çfarë do të ndodhë me kontratat e furnizimit me ujë në banesat e dëmtuara

13 Dhjetor 2019, 08:07, Sociale CNA

Ujësjellës Kanalizime Durrës bën të ditur se të gjithë qytetarët, banesat e të cilëve janë dëmtuar nga tërmeti mund të pezullojnë kontratat e tyre të furnizimit me ujë, duke nisur nga ky muaj.

Sipas UKD pezullimi i kontratës do të bëhet falas, vetëm me anë të një libreze uji dhe kartë identiteti, ndërsa  afati për pezullimin e tyre është deri në 31 Janar 2020.

Po ashtu, UKD njofton se për pagesën e muajit Nëntor nuk do të aplikohet kamatë, nisur nga dëmet e shkaktuara nga tërmeti.

“Ujësjellës Kanalizime Durrës njofton të gjithë abonentët të cilët janë larguar nga banesat e dëmtuara nga tërmeti i 26 nëntorit se mund ti pezullojnë kontratat e furnizimit me ujë me UKD duke filluar që nga ky muaj. UKD bën me dije se pezullimi i kontratës do të jetë falas (ndërkohë që më parë ky veprim kushtonte 2000 lekë).”-thuhet në njoftim./ CNA.al





Lajmet e fundit nga