web counter
LEXO PA REKLAMA!

SHKARKO APP

App Store
Google Play

E fundit!

x

Olsian Çela, Prokuror i Përgjithshëm

5 Dhjetor 2019, 09:33, Politikë CNA

Prokurori i Krimeve të Rënda, Olsian Çela pritet të zgjidhet sot nga Kuvendi, si Prokuror i Përgjithshëm me një mandat 7-vjeçar.

Burime zyrtare bënë të ditur për CNA.al, se grupi parlamentar i Partisë Socialiste ka vendosur sot që të votojnë kandidatin Olsian Çela, për detyrën e Kryeprokurorit.

Po ashtu edhe një pjesë e deputetëve të opozitës parlamentare kanë konfirmuar për CNA.al se do të votojnë kandidatin e renditur të parin në listën e KLP-së, Olsian Çelën.

Olsian Çela është i pari në listën e sjellë nga Këshilli i Lartë i Prokurorisë, gjë që është një argument më shumë pro që ai të jetë Kryeprokurori.

Ndërkohë, që kryeprokurorja e përkohshme, Arta Marku, e cila renditet e dyta në listën e KLP-së, është e kontestuar shumë fort nga opozita edhe për zgjedhjen e saj rreth dy vite më parë.

Gjatë dy viteve që Arta Marku ka mbajtur detyrën e Kryeprokurores së Përkohshme, është kritikuar fort nga opozita, me pretendimin se nuk duket të ketë dhënë ndonjë rezultat të qënësishëm.

Kujtojmë këtu se në listën e KLP-së janë tre kandidatë, i pari është Olsian Çela, e dyta Arta Marku dhe e treta Fatjona Memçaj./ CNA.al





Lajmet e fundit nga