web counter
LEXO PA REKLAMA!

SHKARKO APP

App Store
Google Play

Kupola e San Gaudenzios solidarizohet me viktimat e tërmetit/ Ndriçohet për ditë me radhë nga ngjyrat kuqezi

29 Nëntor 2019, 19:20, Politikë CNA

Tërmeti tragjik i 26 nëntorit ka lënë në plan të dytë festat kombëtare, ku e gjithë fryma atdhetare dhe patriotike janë bashkuar për t?iu ardhur në ndihmë të familjeve të dëmtuara.

Megjithatë, pavarësisht se ky fund nëntori për shqiptarët do të ishte ndryshe nga të tjerët, nuk kanë munguar edhe veprat e bashkëatdhetarëve jashtë kufijëve, që herë pas here me veprimet e tyre kanë hedhur një fije gëzimi në fytyrat e trishtuara.

Pas Bukureshtit, një tjetër qytet do të ndizet nga ngjyrat kuqezi. Bëhet fjalë për  qytetin e Novarës, i cili ka marrë një nismë mjaft emocionuese për të ndriçuar për 3 ditë me rradhë Kupolën e San Gaudenzios.

Kjo do të ndodhë sot, të shtunën dhe të dielën, pikërisht për tu solidarizuar me viktimat që solli tërmeti 6.3 ballësh mëngjesin e 26 nëntorit. Gjesti  është  ndërmarrë nga administrata e bashkisë së këtij qyteti në bashkëpunim me shoqatat shqiptare. Ndërkaq, kryebashkiaku Canelli ka thënë se ky është një gjest afërsie me një komunitet që po vuan.

“Një gjest simbolik i administratës komunale  për të shprehur solidaritetin maksimal në lidhje me atë që po përjeton Shqipëria. Këto ditë takova presidentin e Urës, shoqata e kryesuar nga shqiptarët që jetojnë në Itali dhe në Novara në veçanti. Ne folëm për atë që ndodhi në vendin tuaj: Novara shpreh solidaritetin e saj duke ndriçuar Kupën, simbolin e qytetit, me ngjyrat e Shqipërisë”, tha kryebashkiaku Alessandro Canelli./CNA.al





Lajmet e fundit nga