web counter
LEXO PA REKLAMA!

SHKARKO APP

E fundit!

x

Foto+video-31 viktima nga tërmeti i fuqishëm/ Vijojnë kërkimet për të tjerë persona të humbur

27 Nëntor 2019, 12:35, Sociale CNA

Shqipëria vijon të jetë në kaos, pas tërmetit me magnitudë 6.4 ballë që goditi një ditë më parë vendin.

Tërmeti i fuqishëm la pas 31 viktima, mbi 650 të tjerë të plagosur, dhe shumë të tjerë që ende gjenden nën rrënoja.

Ndërkohë, vijojnë operacionet e kërkim-shpëtimit.

Mësohet se mbi 2400 punonjës policie të angazhuar për t?u ardhur në ndihmë qytetarëve në nevojë të prekur nga tërmeti.

Forcat speciale RENEA, Forcat e Ndërhyrjes së Shpejtë të Tiranës, Fierit dhe Shkodrës, dhe Policia e DVP Durrës, prej afro 32 orësh vijojnë operacionet e kërkim-shpëtimit, në Durrës dhe në Thumanë, Krujë.

Operacionet e kërkim-shpëtimit, po zhvillohen në bashkëpunim të ngushtë më ekipet e forcave të ushtrisë, emergjencave civile dhe ekipeve të kërkim-shpëtimit të ardhura nga shumë vende të rajonit.

Pjesa më e madhe e njerëzve të humbur raportohen në zonën e Kënetës në Durrës dhe Thumanë. Lidhur me operacionet e kërkimit janë angazhuar grupet e shpëtimit nga Kosova, Italia, Greqia dhe Kroacia. Ndërkohë që forcat franceze janë fokusuar në kërkimin e njerëzve të gjallë nën rrënoja. Në operacion marrin pjesë edhe forcat speciale shqiptare.

Mëngjesin e sotëm  e deri tani nga rrënojat në Thumanë janë nxjerrë 3 persona të pajetë dhe kërkimet vijojnë pa ndërprerë. /CNA.al





Lajmet e fundit nga