web counter
LEXO PA REKLAMA!

SHKARKO APP

App Store
Google Play

E fundit!

x

Studentët i përgjigjen Ramës/ “Katër dhjetori po vjen”

25 Nëntor 2019, 14:17, Politikë CNA

Kryeministri Edi Rama uroi sot mirëmëngjes me të dhënat mbi investimet në arsim dhe mbështetjen e studentëve në buxhetin e 2020.

Lidhur mbi këtë ka reaguar dhe Lëvizja për Universitetin  e cila me anë të një postimi në rrjetet sociale shkruan se Edi Rama e nisi ditën herët me gënjeshtrat për studentët, ndërsa i kujton se 4 dhjetori po vjen.

?Duket sikur gjumin e ka pasur të trazuar nga protesta që vjen më 4 dhjetor.

Flet për 90 mijë studentë të cilëve iu është përgjysmuar tarifa, por ndërkohë studentët e masterit (me përjashtim të atyre me mesatare mbi 9) që mbajnë barrën më të rëndë, nuk kanë përfituar nga kjo ulje e përkohshme.

Flet për 12 mijë bursa, por sot nuk mjafton që një student të jetë jetim me një prind. Që të fitojë bursë duhet që prindi i vetëm të jetë edhe i/e papunë.

Flet për investime në konvikte, por bojatisjen e përkohshme të mureve e ka rreng të vjetër me të cilin nuk e mashtron dot gjeneratën e re.

Flet për qasje në bibliotekën digjitale, por ajo ekziston vetëm në imagjinatën e tij digjitale. Studenti ka nevojë për biblioteka dhe laboratorë materialë, jo digjitalë.

Flet për rritje të kërkimit shkencor, por askush s?e di si e ka matur këtë rritje Edi Rama.

Flet për anti-plagjiaturë, por deri më sot askush nuk ka mbajtur përgjegjësi për plagjiaturë.

Flet edhe për shpërndarje të kartës së studentit, dhe këtu thotë të vërtetën. E ka shpërndarë kartën për të rritur myshterinë e klientëve të Erion Veliajt. Sa për nevoja studentore, ajo kartë s?vlen as sa tesera e fressh-istit.

Studentët sot dinë ta bëjnë ndarjen. Ata ose Lëvizin Për Universitetin, ose i bashkohen brekusheve të Paktit Për Universitetin. Rrugë të mesme s?ka!, shkruhet në reagimin e plotë./CNA.al





Lajmet e fundit nga