E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Gazetari denoncon skandalin/ Si po përdoret media për gjoba dhe shantazhe

23 Nëntor 2019, 11:06, Sociale CNA

Gazetari Denis Dyrnjaja ka reaguar në lidhje me një lajm që ka qarkulluar në disa media së fundi, i cili hidhte dyshime mbi sigurinë e disa produkteve ushqimore.

Në një postim në rrjetet sociale, Dyrnjaja shkruan se nëse nuk ka prova që e faktojnë, spekulimet dëmtojnë edhe biznesin e ndershëm edhe misionin e medias.

Gazetari hedh dyshime të forta në lidhje me vërtetësinë e shkrimeve në fjalë, ndërsa thekson se ?Vura re që gjithçka ishte shkruar ishte totalisht e dyshimtë, joprofesionale dhe spekulative?.

Më tej, Dyrnjaja shkruan se ?Në dy shkrime të llojit fletrrufe pa emër, pa referencë dhe asnjë konkluzion analizash dilej në përfundimin se kompanitë e sallameve sidomos ato me emër si Hako apo EHË etj perdorkan mish të kafshëve të ngordhura ose produkte të tjera të dyshimta dhe të dëmshme (por pa i cilësuar se çfarë janë), për të bërë sallame e proshuta.

Së pari në të gjithë përshkrimin nuk sillej asnjë shembull, asnjë dokument apo Ilustrim që të mbështeste këtë pretendim që përveç se krijon panik te konsumatori, shkakton një dëm të pallogaritshëm dhe të panevojshëm për biznesin e ndershëm.

Që të kesh dyshime është diçka tjetër dhe të kesh prova është diçka tjetër.

Dhe media dhe gazetaria duhet të flasë me prova, jo me spekulime, sepse në këtë mënyrë duke ngritur tymnaja të pabaza humbet besueshmëria edhe për rastet kur duhet denoncuar abuzimi apo spekulimi ushqimor.?.

Postimi i plotë:

Spekulimet që dëmtojnë edhe biznesin e ndershëm edhe misionin e medias

Duke qenë se në mënyrë periodike kam qenë një ndër zërat që kanë shprehur shqetësim për sigurinë ushqimore, shumë njerëz më dërguan një lajm që qarkullonte në disa portale për cilësinë, përbërjen dhe sigurinë e produkteve të mishit dhe sallameve. Vura re që gjithçka ishte shkruar ishte totalisht e dyshimtë, joprofesionale dhe spekulative.

Në dy shkrime të llojit fletrrufe pa emër, pa referencë dhe asnjë konkluzion analizash dilej në përfundimin se kompanitë e sallameve sidomos ato me emër si Hako apo EHË etj perdorkan mish të kafshëve të ngordhura ose produkte të tjera të dyshimta dhe të dëmshme (por pa i cilësuar se çfarë janë), për të bërë sallame e proshuta.

Që të kesh dyshime është diçka tjetër dhe të kesh prova është diçka tjetër.

Jam i bindur se edhe vetë kompanitë e mëdha janë të gatshme të bëjnë transparencë për produktet e tyre dhe të denoncojnë abuzuesit që natyrisht janë ato punishtet ilegale që prodhojnë nëpër garazhe pallatesh apo periferish. Çdo akt spekulativ mediatik ose bëhet në mungesë të thellë profesionalizmi ose për qëllime përfitimi të padrejtë dhe kjo duhet denoncuar edhe publikisht edhe ligjërisht, pasi përtej dëmit ndaj biznesit, sjell një dëm edhe më të madh për besueshmërinë e medias.

Provo e raporto duhet të jetë moto e çdo lajmi apo qëndrimi pasi çdo rast tjetër dëmton të vërtetën dhe mbron spekulimin./ CNA.al