web counter
LEXO PA REKLAMA!

SHKARKO APP

Zhduku Kosovën nga harta/ Luan Rama kryqëzon kryeministrin

19 Nëntor 2019, 19:09, Politikë CNA

Zv.kryetari i LSI-së Luan Rama ka reaguar ashpër në lidhje me një postim të kryeministrit Edi Rama ku shfaqej një hartë e vendit tonë dhe të Ballkanit, por që mungonte Kosova, ndonëse më vonë u fshi, duke u rihedhur e edituar.

Luan Rama thekson se kjo nuk është një lajthitje e rastit nga ana e kryeministrit, por një postim provokativ dhe fyes jo vetëm për Kosovën dhe qytetarët e saj, po për të gjithë shqiptarët.

?Kosova brenda Serbisë ? një postim provokativ dhe fyes i Kryeministrit të Shqipërisë!
Nuk është një lapsus. Nuk është as ndonjë gabim prej pakujdesisë, publikimi në faqen e profilit të Edi Ramës në fb i hartës së ?investimeve për sigurimin e furnizimit 24 orë me ujë në zonat rurale të vendit nga veriu në jug?, siç shkruan ai vetë, ku ndër shtetet që ndajnë kufi me Shqipërinë, mungon Kosova, e cila është vendosur brenda kufijve të Serbisë.
Nuk është as ndonjë lajthitje e rastit, po të kemi parasysh se me sa vëmendje e përkujdesje e kuron gjithë performancën e vet mediatike Kryeministri i Shqipërisë.
Eshtë një postim provokativ dhe fyes i Kryeministrit të Shqipërisë, jo vetëm për Kosovën dhe qytetarët e saj, po për të gjithë shqiptarët kudo ku ata jetojnë dhe punojnë!?, shkruan ai në postimin e plotë./CNA.al





Lajmet e fundit nga