web counter
LEXO PA REKLAMA!

SHKARKO APP

App Store
Google Play

Policia vazhdon aksionin/ Procedon 42 shoferë dhe pezullon 223 leje drejtimi

18 Nëntor 2019, 16:52, Kronika CNA

Policia Rrugore e Tiranës në vijim të aksionit për rritjen e parametrave të sigurisë rrugore ka proceduar penalisht 42 drejtues mjetesh, ndërkohë që janë pezulluar edhe  223 leje drejtimi.

Burime nga policia bënë me dije se nga rrugorët e kryeqytetit kanë arrestuar 20 shoferë në flagrancë për drejtim mjeti në gjendje të dehur, 8 u kapën të pa pajisur me leje drejtimi dhe në shkelje të rregullave të qarkullimit rrugor, si dhe 14 të tjerë janë hetuar në gjendje të lirë, po për shkelje të rregullave të qarkullimit rrugor.

Njoftimi i policisë

Policia Rrugore e Tiranës procedon penalisht 42 drejtues mjetesh, përgjatë javës.

Në funksion të kontrolleve policore parandaluese, nga rrugorët e kryeqytetit janë proceduar penalisht 42 drejtues mjetesh, nga të cilët:

? 20 drejtues mjetesh janë arrestuar në flagrancë për drejtim mjeti në gjendje të dehur.

? 8 drejtues mjetesh janë arrestuar në flagrancë, pasi janë konstatuar të papajisur me leje drejtimi dhe në shkelje të rregullave të qarkullimit rrugor, si dhe 14 të tjerë janë hetuar në gjendje të lirë, po për shkelje të rregullave të qarkullimit rrugor.

? Janë pezulluar 223 leje drejtimi, nga të cilat 58 për drejtim mjeti nën efektin e alkoolit, 129 për shpejtësi mbi normat e lejuara dhe 36 për shkelje të tjera.

? Janë proceduar për shkelje të semaforit 43 drejtues mjetesh.

? Janë proceduar për mosvendosje të kaskës mbrojtese 163 drejtues mjetesh me dy rrota.

? Janë proceduar për përdorim të aparatit celular gjatë drejtimit të mjeteve 271 drejtues mjetesh.

? Janë shoqëruar 14 automjete me targa regjistrimi të shteteve te tjera, për verifikim nga strukturat e tjera policore.

? Si dhe janë vendosur 2 700 masa administrative për shkelje të ndryshme të rregullave të qarkullimit rrugor./CNA.al





Lajmet e fundit nga