web counter
LEXO PA REKLAMA!

SHKARKO APP

App Store
Google Play

E fundit!

x

Ngërçi në Gjykatën Kushtetuese/ Andi Përmeti tregon të vetmen rrugëdalje

18 Nëntor 2019, 10:00, Politikë CNA

Deputeti i Bindjes Demokratike, Andi Përmeti ka komentuar situatën politike në vend, pas përplasjeve të fundit mes KED dhe Presidencës, në lidhje me emërimin e anëtarëve të Gjykatës Kushtetuese.

I ftuar në studion në Dita Jonë, në A2 CNN, sa i takon konfliktit Meta-Rama, Përmeti tha se të dy palët janë në gabim.

Ai theksoi se palët po kujdesen për të kapur Gjykatën Kushtetuese dhe sipas tij, kjo krijoi një zhgënjim në popull mbi drejtësinë e re.

?Të dy palët janë në shkelje ligjore. Më shumë sesa po kujdesen për të ngritur atë që ne e kemi quajtur drejtësia e re, po kujdesen për të kapur Gjykatën Kushtetuese dhe drejtësinë. Zgjidhja për këtë do të ishte e thjeshtë. Të dyja palët duhet të prisnin ngritjen e Gjykatës Kushtetuese dhe më pas do të ishte vetë kjo gjykatë që do të shprehej se kujt i caktonte mandati. E gjitha shpresa që po ngrihet një drejtësi e re pati një zhgënjim në popull.

Të dyja zonjat, njëra rendi të bënte një betim te noterja, për të cilin ajo e di shumë mirë se si është Kushtetuta, ndërsa tjetra shkoi te Presidenti kur e di shumë mirë që është zgjedhur jashtë afatit kushtetues. Të dyja këto i treguan shqiptarëve që vendi i punës është më i rëndësishëm për to se mbrojtja e ligjit?, u shpreh Andi Përmeti.

Deputeti Përmeti tha se e vetmja rrugëdalje për këtë kaos të krijuar është durimi.

Ai theksoi se dy zonjat në fjalë, të cilat kandidojnë për të njëjtin post, nuk duhet te tërhiqen përballë presionit të politikës, por shtoi se duhet të jetë ligji ai që do thotë fjalën e fundit.

?Dy zonja u bënë lojë e politikës, por asnjëra s?ka pse jep dorëheqje. Duhet të mësohemi që fjalën e fundit ta thotë ligji. E vertmja dalje është durimi. Ngelem dy vite pa Gjykatë Kushtetuese. Sigurisht që është e rëndë, por sat ë përshkallëzohet situata është më mirë të presim me durim edhe një muaj.

Zonjat treguan që janë komanduar nga dikush, ato janë zonja profesioniste, por faktet tregojnë se prioritet për to është ose komandimi ose vendi i punës. Kur nuk mbajtën dot këtë presion imagjino më vonë që presioni do jetë më i lartë.

Ringritja e Gjykatës Kushtetuese nisi në mënyrën më të keqe të mundshme?-tha ndër të tjera Andi Përmeti.

Më tej, ai foli edhe në lidhje me rezolutën parlamentare, të miratuar në seancën e fundit të Kuvendit, për të cilën tha se ?Rezolutën e kam abstenuar sepse kjo nuk zgjidhet me rezolutë. Rezoluta nënkupton urdhër parlamentar, dmth merrni atë që themi ne. Për mendimin tim duhet pritur ngritja e Gjykatës Kushtetuese dhe duhet të vendosë ajo kush ka të drejtë?./ CNA.al





Lajmet e fundit nga