E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

"Zotimet për ekonominë, të realizueshme"/ Basha tregon shkaktarin e recesionit ekonomik

14 Nëntor 2019, 16:18, Politikë CNA

Kreu i Partisë Demokratike, Lulzim Basha ka komentuar premtimet e tij të bëra në turin “Rrugëtimi për Shqipërinë”, rreth paketës ekonomike të paraqitur nga PD për taksat, pagën minimale, tarifat e studentëve etj.

Në një intervistë për RTV Ora, për Bashën fajin për rritjen e taksave dhe represionit në vend e ka marrëdhëniet e qeverisë me oligarkët.

?Nëse kemi një qeveri që rrit taksat, rrit represionin dhe paratë ia jep një grushti oligarkësh, ekonomia do të bjerë në gropë siç ka rënë?, ka thënë kreu i PD-së.

?Buxheti do të mbiperformojë me paketën që propozojmë ne. Ekonomia nuk është numratore, por është një dinamikë e cila përcakohet nga mënyra si sillet qeveria me buxhetin. Nëse kemi një qeveri që rrit taksat, rrit represionin dhe paratë ia jep një grushti oligarkësh, ekonomia do të bjerë në gropë siç ka rënë. Nëse kemi një qeveri që ul taksat, ul koston e prodhimit, ekonomia do të rritet, kontributet e faktorëve ekonomikë do të rriten dhe nëse këto taksa shpenzon në mënyrë të zgjuar me ato prioritete që ka vendi siç është arsimimi i të rinjve, pajisja e tyre me profesione që zgjerojnë ekonominë, veçanërisht në ato degë ku ka kërkesë të madhe edhe nga investimet e huaja siç janë degët e teknologjisë të informacionit apo të inxhinierive.

Kjo do të jetë një kurbë rritëse, ku kontributet do të jenë transparente, të ulëta ku të gjithë do të kontribuojnë dhe të ardhurat nuk do të shpenzohen për ta pasuruar një grup oligarkësh dhe pushtetarët e lidhur me ta, por do të shpenzohen për ti ardhur në ndihmë investimeve publike, investimeve në arsim dhe investimeve në shëndetësi që do të sjellin një zinxhir pozitiv për ekonominë apo investimeve në rrafshin social, ku rroga minimale 300 euro nuk është një domosdoshmëri jetike, njerëzore, por është edhe një mënyrë për të fuqizuar konsumin e brendshëm me pasoja pozitive, për biznesin dhe mirëqënien në terësi?, është shprehur Basha./CNA.al