web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi në Samitin e Paqes/ Këmbanë alarmi për familjet shqiptare

27 Tetor 2019, 16:07, Politikë CNA

Kryetarja e LSI, Monika Kryemadhi ka marrë pjesë sot në në Festivalin e Paqes dhe Familjes, pjesë e Samitit për Paqe në Evropën Juglindore.

Gjatë fjalës së saj, Kryemadhi ka theksuar problemet më të mëdha që përballen sot familjet shqiptare.

Sipas saj familjet shqiptare edhe pse janë të varfra janë të mbushura me dashuri.

?Dua që nga kjo sallë që për hir të së vërtetës është një sallë që ne e kemi mbushur me kujtime poltike dhe kemi folur për politikë, por sot kjo sallë duket shumë më e bukur sepse flitet për gjënë më të shtrenjtë, për familjen. Dashuria dhe respekti fillon në familje, në lagje në qytet dhe në atdhe.
E djeshmja ka kaluar e nesërmja do ende kohë të arrijë, ne kemi në dispozicion të sotmen. Është familja tradicionale shqiptare ajo që na ka dhënë forcë si popull për të përballuar sfidat më të mëdha ndër shekuj. Familja shqiptare megjithëse e varfër është e mbushur plot me dashuri?, u shpreh Kryemadhi.

Ajo gjithashtu u ndal edhe tek emigracioni, tek numri i lartë i të rinjve shqiptarë që duan të largohen nga vendi.

?Dua të ndalem te disa probleme që shqetësojnë familjet shqiptrare. Të rinjtë duan të largohen nga ky vend sepse politika nuk jep shpresë.
Kjo është një këmbanë alarmi për ata që duan ta dëgjojnë dhe ata që s? duan.
Biznesi i vogël dhe i mesëm ku të punësuarit janë anëtarë të së njëjtës familje janë nën presion nga taksat e shumta, kjo po sjell largimin e shtresës së mesme në emigracion.
Familjet fermere dhe ato që merren me bujqësi janë në kufijtë e mbijetesës.
Për mua si nënë por edhe si drejtuese e një force politike angazhohem duke menduar dhe duke besuar se e ardhmja e këtij vendi është e ardhmja e të rinjve shqiptare.
Ne duhet të ndezim dritën e shpresës për rininë shqiptare, kjo do të arrihet përmes reformave të thella?, tha Kryemadhi gjatë fjalës së saj./CNA.al





Lajmet e fundit nga