web counter
LEXO PA REKLAMA!

SHKARKO APP

App Store
Google Play

Negociatat/ Ambasadorja Schütz apel partive : Tërhiqni litarin në një drejtim

25 Tetor 2019, 11:16, Politikë CNA

Ambasadorja e Gjermanisë Susanne Schütz, kërkon që të gjitha forcat politike në Shqipëri përfshirë opozita joparlamentare të tërheqin litarin në një drejtim e të marrin përgjegjësi për të vijuar më tej përpjekjet reformuese për të siguruar integrimin në BE.

Sipas saj, të gjitha reformat e nisura janë para së gjithash në dobi të popullsisë shqiptare.

?Ne si Qeveri Federale e përshëndesim shprehimisht këtë dhe do të vijojmë të mbështesim Shqipërinë edhe më tej në kontekstin e kryesimit prej saj të OSBE-së për vitin 2020.

Bashkëbiseduesit shqiptarë në takimet e sotme më shprehën zhgënjimin dhe mungesën e mirëkuptimit për faktin, që para një jave në Bruksel nuk u mbërrit dot tek një ?PO? për çeljen e bisedimeve të anëtarësimit me BE-në. Edhe  unë jam e keqardhur lidhur me rezultatin e konsultimeve në Bruksel. Gjermania ishte angazhuar për një ?Po?. Ndaj është me rëndësi të jashtëzakonshme që Shqipëria të vijojë më tej përpjekjet reformuese të viteve të fundit, veçanërisht ato në sektorin e drejtësisë, sikurse dhe të intensifikojë luftën kundër korrupsionit dhe krimit të organizuar. Për këtë qëllim duhet që të gjitha forcat politike ? dhe këtu përfshihet edhe opozita joparlamentare ? të tërheqin litarin në një drejtim e të marrin përgjegjësi. Të gjitha reformat e nisura janë para së gjithash në dobi të popullsisë shqiptare. Një administratë publike profesionale dhe transparente, një sistem i pavarur drejtësie, lufta kundër korrupsionit dhe krimit të organizuar, një kod zgjedhor i reformuar, reformat transparente në fushën e të drejtës mbi pronën në mbrojtje të të drejtave themelore ? të gjithë këta objektiva  janë në interes të vetë Shqipërisë. Gjermania do të vazhdojë të jetë në krah të Shqipërisë në këtë rrugë edhe në të ardhmen.?, deklaroi Schütz.

 





Lajmet e fundit nga