web counter
LEXO PA REKLAMA!

SHKARKO APP

App Store
Google Play

Beteja Qeveri-Presidencë/ Nishani: Keqardhje që "Venecia" u përfshi në konflikt

10 Tetor 2019, 16:20, Politikë CNA

Ish presidenti, Bujar Nishani, ka komentuar raportin e Komisionit të Venecias për shkarkimin e presidentit Meta.

Në një intervistë për ?ABC News?, Nishani theksoi se përfshirja e Komisioni të Venecias në konfliktin mes maxhorancës dhe Presidencës ishte e gabuar.

Duke e konisderuar si një betejë e pastër politike, sipas Nishanit, synimi kryesor i maxhorancës është nënshtrimi i institucionit të Presidencës.

?Rasti konkret është një betejë e pastër politike, është një përplasje e mazhorancës ndaj institucionit të Presidentit të Republikës vetëm për qëllime, me një mision politik dhe për arsye politike. Pikërisht kjo ka qenë arsyeja që unë e kam parë me një lloj keqardhje përfshirjen e Komisionit të Venecias në përplasjen politike apo në luftën poltike që mazhoranca i bën institucionit të Presidentit të Republikës.?

Duke folur me tej, Nishani thekson se kërkesën për të zgjidhur kushtetuetshmërinë e dekreteve të Ilir Metës në Venecia mund ta dërgonte vetëm Gjykata Kushtetuese.

?Në rastin konkret për t?ju adresuar Komisionit të Venecias për një këshillim ligjorë, duhet të ishte vetëm Gjykata Kushtetuese. Në të gjitha aspektët e tjera, në të gjitha interpretimet e tjera që janë bërë deri tani, përfshirë dhe atë që ka të bëjë me atë, vendimin paraprak të ardhur nga Komisioni i Venecias, janë që të gjitha interpretime politike të cilat janë iniciuar nga një synim politik, nganjë aksion politik i mozhorancës kundër institucionit të Presidentit”, është shprehur Nishani./CNA.al





Lajmet e fundit nga