LEXO PA REKLAMA!

SHKARKO APP

Gjyqi ndaj drejtorit të Kadastrës në Durrës/ PD: Rama e Braçe presion gjyqtares që të mos e dënojë

4 Tetor 2019, 14:45, Politikë CNA
Gjyqi ndaj drejtorit të Kadastrës në Durrës/ PD: Rama e

Pas vendimit të gjykatës për të lënë në burg ish-drejtorin e Kadastrës në Durrës Liridon Pula, ka ardhur edhe reagimi nga Partia Demokratike.

Në një reagim për mediat, ish-deputeti Enkelejd Alibeaj tha se ky është një tregues se përse në Shqipëri nuk ndëshkohen të pushtetshmit, teksa akuzoi kryeministrin Edi Rama që ka ‘kapur’ drejtësinë në vend.

Ndërsa e ka cilësuar praninë e zv. kryeministrit Erion Braçe në seancën e gjyqit si presion ndaj gjyqtares, Besjana Garxenaj dhe prokurorëve të çështjes.

“Presioni i Qeverisë nga Kryeministri tek Zëvendëskryeministri ndaj prokurorisë dhe gjykatës që kanë urdhëruar arrestimin e Drejtorit të Kadastrës në Durrës, është kriminal.

Kërcënimi i prokurorëve dhe gjyqtarëve me vetting për çështje konkrete është prova e gjallë sesi Edi Rama po përdor vettingun për të kërcënuar e shantazhuar gjyqtarë e prokurorë, që të mos hetojnë krimet e tij dhe të Qeverisë së tij. Veprimet e prokurorit të çështjes u gjetën ligjërisht korrekte nga gjykata. Magjistratja Besjana Garxenaj, e emëruar në 10 Shkurt 2017, tregoi integritet profesional, duke mos iu nënshtruar presionit kriminal, të padëgjuar më parë, në sallën e gjyqit nga Zëvendëskryeministri Erjon Bra?e.

Drejtuesi i korruptuar i Kadastrës në Durrës, që është arrestuar me vendim gjykate, është kushëriri dhe i emëruari i Erjon Bra?es, i cili ka vënë qeverinë në funksion të hallit të tij dhe për të mbrojtur një zyrtar të akuzuar për korrupsion. Edi Rama ka dy standarde për drejtësinë. Jo më larg se mbrëmë ai refuzoi të komentojë për Saimir Tahirin, me pretekstin se çështja nuk quhet e mbyllur nga drejtësia. Ndërsa për të korruptuarin e tij në Kadastrën e Durrësit, ai e sulmoi drejtësinë, kërcënoi hapur prokurorin e çështjes dhe shantazhoi gjykatën.

Partia Demokratike bën thirrje për nisjen menjëherë të hetimeve ndaj Edi Ramës dhe Erion Braçes për ushtrim të ndikimit të paligjshëm tek prokurorët dhe gjyqtarët në vend, si dhe shantazhimin që ai bën me procesin e vettingut për çështje individuale dhe konkrete. Presione të tilla tregojnë para shqiptarëve se përse të pushtetshmit janë të paprekshëm dhe pse nuk ndëshkohet korrupsioni i bandës që drejton vendin”, shkruan PD./CNA.al

Lajmet e fundit nga