web counter
LEXO PA REKLAMA!

SHKARKO APP

App Store
Google Play

Strategjia Globale kundër Terrorizmit/ Cakaj kërkon "zhbërjen e hapësirës narrative"!?

2 Tetor 2019, 16:49, Politikë CNA

Gjatë qëndrimit të tij në Nju Jork, ministri në detyrë për Evropën dhe Punët e Jashtme, Gent Cakaj, mori pjesë në mbledhjen e nivelit të lartë të organizuar nga Jordania, Franca dhe Zelanda e Re.

Kjo mbledhje kishte në fokus diskutime mbi përpjekjet ndërkombëtare për vënien në zbatim të Strategjisë Globale të OKB-së kundër Terrorizmit, si dhe shqyrtimin e arritjeve të deritanishme të nismave franceze dhe jordaneze në lidhje me shmangien e përdorimit të platformave të internetit për motive të ekstremizmit të dhunshëm dhe terrorizmit.

Në një status në facebook, lidhur me pjesëmarrjen e tij në këtë mbledhje, ministri në detyrë Gent Cakaj, nëpërmjet një frazeologjie që veç ai i shqipëron, u shpreh se: “Pavarësisht fitores ushtarake dhe territoriale mbi ISIL, një sfidë tjetër mbetet angazhimi i përbashkët për të zhbërë hapësirën e mundshme të narrativave që nxisin veprimet ekstremiste dhe të dhunshme”.

Kjo, sipas Cakaj, kërkon një bashkërendim më të gjerë përpjekjesh të kompanive teknologjike, shoqërisë civile dhe bashkësive fetare e qeverive të vendeve përkatëse.

?Shqipëria ka qenë historikisht një vend shembull i harmonisë ndërfetare dhe ka prirë në shumë angazhime luftën kundër terrorizmit dhe ekstremizmit të dhunshëm nëpërmes mekanizmave të saj të sigurisë. Për më shumë, Shqipëria dallohet në rajon e më gjerë edhe për zhvillimin e kurikulave të veçanta shkollore që kanë për qëllim zhbërjen e interpretimeve të shtrembëruara të doktrinave të ndryshme fetare. Së këndejmi, angazhimi i Shqipërisë në luftën kundër terrorizmit dhe ekstremizmit të dhunshëm është në përputhje me sfidat bashkëkohore dhe në bashkërendim të plotë me partnerët ndërkombëtarë,?përfundoi Cakaj./ CNA.al





Lajmet e fundit nga