E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ekskluzive- Kapet “mat” Kujtim Gjuzi/ I del hapur gënjeshtra

30 Shtator 2019, 17:12, Denoncim CNA

Kujtim Gjuzi, deputeti i opozitës parlamentare, njëherësh dhe kryetar i Partisë Konservatore, është kapur në flagrancë, nga CNA.al, duke gënjyer fare hapur, çka ngre dyshime për vërtetësinë e atyre që ai artikulon gjatë prononcimeve mediatike.

I pyetur ekskluzivisht nga CNA.al se ku e ka kaluar fundjavën Gjuzi ka dhenë përgjigjen e mëposhtëme nëpërmjet rrjetit social fcb:

“Prej 33 vitesh fundjavën e kaloj me familjen time. Që në rininë time në Diktaturë ne nuk kishim kushtet e duhura por unë gjithnjë të shtunat e të dielat ia përkushtoj familjes. Një drekë në famijle a jashtë me fëmijët të cilët tashmë janë të rritur, apo me aktivivitetin sportivë, ja kjo është pamja e parë e fundjavës sime…”, shkruan ndër të tjera Gjuzi, duke rreshtuar dhe aktivitetet sportive që ushtron dhe ndjek, apo shëtitjet brenda e jashtë Tiranës.

Në përfundim të këtij rreshtimi deputeti “sqimatarë”, që, sikurse ka pohuar: në rininë e tij modelonte veshje për kryeministrin në detyrë Edi Rama, shkruan se pasditet e fundjavës ia kushton leximit.

Madje për të qenë konkret citon dhe librin më të fundit që ka në dorë, pa e besuar se pikërisht ky citim i’a nxjerr gënjeshtrën në shesh.

“Pasditet në fundjave merem me lexime romanesh dhe më i fundit që kam në dorë është romani “Bija e Montezumës” e shkrimtarit “Honore De Balzak”. Aty besoj e dini që shkulen zemra djemsh për vashat e globit”, citon Gjuzi, duke na falenderuar “me konsideratë që e bëm pjesë të infojavës”.

Dhe duke qenë se në mbyllje të përgjigjes deputeti Gjuzi na lutet të redaktojmë gjithsa “…Sepse në gjuhë shqipe nuk kam ken fort i mirë sipas mësueses sime, që ishte minoritare”, sikurse shkruan, po përmendim se “Bija e Montezumës” nuk ka asnjë lidhje me Honore De Balzakun”. As në autorësinë e librit në fjalë dhe as në shtetësinë franceze. Pasi autori i “Bija e Montezumës” nr. i faqeve 368, është anglezi Henri Rider Haggard, lindur në 1856, vdekur në1925 etj. Për më shumë lexoni publikimin e mëposhtëm./CNA.al

Title: Bija e Montezumës
Original: The Daughter of Montezuma
Category: Novel
Author: Henri Rider Haggard
Albanian translator: Zef Celi
Publisher: Konica
Year: 2006
Pgs. 368
Weight: 0.431 kg.
ISBN: 978-99943-735-6-0