web counter
LEXO PA REKLAMA!

SHKARKO APP

App Store
Google Play

Raporti i Komisionit të Venecias/ Mesila Doda: Shqipëria po përdoret si eksperiment

28 Shtator 2019, 16:45, Politikë CNA

Ish deputetja dhe sekretarja e Përgjithshme e PDIU-së, Mesila Doda, e ka konsideruar draft raportin e Komisionit të Venecias si një çështje të komplikuar përmbajtja e të cilit, sipas saj, nuk i shkon përshtat një institucioni kaq të rëndësishëm.

E ftuar në studion e lajmeve të TV “Fax News”, Doda tha se qëndrime të tilla të institucioneve ndërkombëtare përfshirë edhe ambasadat, janë kthyer si eksperimente me Shqipërinë dhe shqiptarët, ndaj dhe kjo duhet të marrë fund.

?Kur flasim për emra të mëdhenj apo për institucione të tilla të rëndësishme duhet të jemi serioz, por kur flasim për raportin që ka pasur shkelje por jo precedent për shkarkim, kjo është një gjuhë e Zotit.

Të thuhet se nga njëra anë ka shkelur Kushtetutën dhe nga ana tjetër nuk përbën precedent për shkarkimin e Presidentit, kur është fare e thjeshtë të thuhet, ose ka shkelur Kushtetutën ose nuk e ka shkelur.

Nuk përbën një opinion që i shkon për shtat një institucioni të tillë. Përfshirë pastaj edhe faktin se ende nuk ka një opinion zyrtar, pasi ai zbulohet ma datë 10 publikohet me datë 27 ndërsa zyrtarisht pritet të dalë me datë 29 shtator.

Është e mbuluar e gjitha me një mungesë serioziteti të një institucioni që është i rëndësishëm, pasi nuk u arrit të preket OSBE/ODHIR, arritën që krizat e brendshme të futen duart në një institucion kaq të rëndësishmë. E kuptoni që kjo mënyra krejt jo serioze e të trajtuarit të gjërave me Shqipërinë, për ta bërë Shqipërinë një eksperiment teorish të ndërkombëtarëve duhet të marri fund?.

?Trajtonte mënyra e të shprehurit kur fliste për klimën politike dhe për gjithçka tjetër. Presidenti e ka shpjeguar se dy shtyllat kryesore janë, uniteti të popullit dhe zbatimi i Kushtetutës, diçka të cilën raporti e thekson.

Kemi ca ambasador që fshehin kokën si struci kur duhet të flasin dhe flasin kur duhet të heshtin. Kush janë këto që e ndajnë, ata duhet të flasin për bazat e demokracisë në vend, për demokracinë dhe zgjedhjet e lira. Kemi pasur zgjedhje të lira? Jo?. /CNA.al





Lajmet e fundit nga