web counter
LEXO PA REKLAMA!

SHKARKO APP

App Store
Google Play

Ish kryetari i KQZ zbulon kush e saboton Reformën zgjedhore

27 Shtator 2019, 17:29, Politikë CNA

Kristaq Kume, ish kryetari i Komisionit Qendror të Zgjedhjeve, aktualisht ekspert i çështjeve zgjedhore, ka qenë pjesë e emisionit “Opinion”, në Tv “News 24”, ku, ndër të tjera, ka folur për domosdoshmërinë e realizimit sa më parë të Reformës zgjedhore.

Gjatë vlerësimit të tij, Kume e ka quajtur humbje kohe zvarritjen e derisotme duke zbuluar si autorët e interesuar ashtu dhe qëllimin e tyre.

? Legjislacioni është dinamik, është përherë në zhvillim dhe i kushtohet shoqërisë dhe si duhet të qeveriset ajo. Jemi përpara situatës kur klasa politike nuk e ka zbatuar atë që ka marrë përsipër. nga ajo që njihet si Karta e Stambollit. Nuk kemi pasqyruar dhe implementuar rekomandimet e OSBE-ODIHR.  Ky sistem zgjedhor ka treguar se ka probleme. Janë dy partitë kryesore që nuk e duan ndryshimin, por nuk janë deklaruar për këtë hapur. Sistemi aktual me 12 qarqe u krijon kushte që të përfitojnë nga partitë e vogla, ndaj nuk e duan ndryshimin. Proceset zgjedhore që janë bërë deri sot ka bërë që në të devijohemi ndjeshëm nga parimi thelbësor që është demokracia përfaqësuese. Për mendimin tim kjo nuk është krizë e votave apo e zgjedhjeve, por është e demokracisë. Të gjithë së bashku, institucionet e këtij vendi, stafet akademike, specialistë dhe teknicienë duhe të bëhemi bashkë dhe të realizojmë,  të draftojmë për atë që duhet ndryshuar. Dy partitë e mëdha politike janë aktorët që kanë prodhuar këtë situatë me ndryshimet në 2008. Vërej se tendenca për të konvergjuar mes tyre ka filluar të ndihet. Nëse nuk ndryshon ky sistem, ne do të vazhdojmë me këtë problem. Problemi është që deputetët i cakton  Kryetari i partisë, ndaj duhet që listat të jenë të hapura?, ka artikuluar Kristaq Kume./CNA.al

 





Lajmet e fundit nga