E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

PD publikon vendimin e Gjykatës greke/ “Agim Kajmaku të shkarkohet e të arrestohet menjëherë!”

17 Shtator 2019, 18:20, Aktualitet CNA

Gazment Bardhi, sekretari i Përgjithshëm i Partisë Demokratike, ka publikuar një dokument, që, sipas tij, vërteton faktin se Gjykata greke e Janinës ka konfirmuar denoncimet e PD lidhur me kryetarin e Bashkisë Vorë, Agim Kajmaku, si person i kërkuar nga drejtësia greke, pasi është arrestuar në janar 2003 me emrin Jorgo Toto. Fakt ky të cilin Kajmaku nuk e ka evidentuar në formularin e dekriminalizimit.

Publikimin, Bardhi e ka përcjellë me një status në faqen e vet në rrjetet sociale ku, ndër të tjera shkruan se: kryebashkiaku i Vorës Agim Kajmaku edhe pse e ka mbyllur çështjen në Greqi, tani duhet të përballet me ligjin shqiptar pasi ka mashtruar qytetarët e Vorës dhe ka shkelur ligjin e dekriminalizimit.

Së bashku me mesazhin Sekretari i Përgjithshëm i PD ka përcjellë dhe vendimin e Gjykatës greke.

Postimi i Bardhit

Gjykata e Janinës konfirmoi të gjithë denoncimet e Partisë Demokratike se Agim Kajmaku ishte në kërkim nga drejtësia greke, pasi është arrestuar në Janar 2003 me emrin Jorgo Toto dhe ai e kishte fshehur këtë fakt në formularin e dekriminalizimit.

Seancat gjyqësore për Jorgo Toton e Bashkisë së Vorës, të zhvilluara në Janinë për 4 ditë, u japin fund zvarritjeve të prokurorisë për zbulimin e identitetit të kandidatit të Edi Ramës. Megjithëse i dha kohë të sigurojë që nuk futet në burg në Greqi duke mbyllur çëshjtjen atje, Agim Kajmaku ka punë me ligjin shqiptar. Vendimi konfirmon se Agim Kajmaku alias Jorgo Toto ka qenë me proces penal të hapur në Greqi dhe me urdhër arresti në fuqi, ashtu sikurse Partia Demokratike denoncoi.

Vendimi konfirmon se Agim Kajmakut, alias Jorgo Toto, nuk i lejohej nga ligji i dekriminalizimit të kandidonte për kryetar bashkie.

Vendimi konfirmon se Agim Kajmaku, alias Jorgo Toto ka gënjyer në Formularin e Dekriminalzimit, duke kryer veprën penale të fallsifikimit të dokumenteve. Agim Kajmaku ka fshehur arrestimin në Greqi me emrin Jorgo Toto. Për këtë duhet të shkarkohet nga detyra dhe t?i vihen menjeherë prangat për shkeljen flagrante të ligjit të dekriminalizimit dhe mashtrimin e qytetarëve shqiptarë.