web counter
LEXO PA REKLAMA!

SHKARKO APP

App Store
Google Play

E fundit!

x

Matës inteligjentë për dritat/ Si do t’i ‘kontrolloni’ nëpërmjet telefonit

15 Shtator 2019, 07:25, Sociale CNA

Instalimi i matësve inteligjentë bën të mundur përmirësimin e procesit të faturim-arkëtimit si dhe rrit transparencën ndaj klientit për konsumit ditor dhe mujor të energjisë elektrike, duke i ofruar atij mundësinë për të aksesuar në çdo moment dhe kohë reale konsumin në matës nëpërmjet aplikacionit mobile, shkruan gazeta Panorama, duke iu referuar deklaratës së një dite më parë të Ministres së Infrastrukturës dhe Energjisë, Belinda Balluku.

?Ky është një sistem i cili nuk lë asnjë rrugë për abuzime, qoftë nga abonenti, por qoftë edhe nga punonjësit e OSHEE-së. Tashmë faturat printohen direkt sipas të dhënave që ky sistem nxjerr. Për më tepër, sistemi i matësve inteligjentë ofron gjithashtu kontrollin e automatizuar për të gjitha problemet gjatë shkëputjes së energjisë elektrike apo rilidhjes së saj nga qendra?, ka thënë Balluku.

Projekti

Pas Durrësit, Kasharit e Vorës, sistemi i matësve inteligjentë të energjisë elektrike do të shtrihet në gjithë vendin.

Matësit inteligjentë bëjnë të mundur matjen e energjisë elektrike në çdo moment, duke i dhënë mundësi Operatorit të Shpërndarjes për një menaxhim më të mirë gjatë periudhave të ngarkesave në rrjet. Nga ana tjetër, ky projekt i mundëson OSHEE-së përmirësimin e procesit të matjes dhe grumbullimit të arkëtimeve, duke reduktuar kostot në terren, si dhe duke rritur saktësinë e faturave.





Lajmet e fundit nga