LEXO PA REKLAMA!

SHKARKO APP

Fotot-Kur Veliaj ishte i Berishës dhe SHIK-ut të Gazidedes

13 Shtator 2019, 06:50, Aktualitet CNA

Sot me detyrë kryebashkiak i Tiranës si përfaqësues i socialistëve, dje rrënuesi i tyre dhe ?armiku? kryesor.

Ky është Erjon Veliaj drejtuesi i MJAFT, ?delfini? i Sali Berishës, bashkëpunëtori i SHIK-ut të Bashkim Gazidedes.

Këto nuk janë akuza që vijnë nga mediat e sotme, por janë shkruar si titull kryesor në gazetën Zëri i Popullit në vitin 2004, kur ajo kishte kryeredaktor, zv/kryeministrin në detyrë Erjon Braçe.

Lëvizja ?MJAFT? u themelua si një organizatë antiqeveritarë që gjatë qëverisjes së Fatos Nanos ishte në aksion politik, pas një bashkëpunimi të thellë me PD dhe Berishën. Flamur Noka dhe eksponentë të tjerë të PD çonin njerëz në mitingjet e ?MJAFT?, që bëheshin shpesh përpara institucioneve publike, ministrive, kryeministrisë, por edhe shumë drejtorive qëndrore.

Në atë kohë ?MJAFT? ishte ?armiku? i PS këtë e tregon edhe vemendja dhe sulmi që i bën gazeta Zëri i Popullit, ish-organi zyrtar i PS, i cili është mbyllur nga Rama e Veliaj.

ZP hapet me titullin SHIK i Gazidedes tek MJAFT, duke akuzuar organizatën e drejtuar nga Erion Veliaj se kishte lidhje me strukturat e SHIK-ut të drejtuara nga një prej besnikëve të Sali Berishës, Bashkim Gazidede.

Më tej në titull kërkohet edhe pazarxhiu i MJAFT që në atë kohë akuzonte socialistët për korrupsion, paaftësi, nepotizëm e klientelizëm.

Erion Veliaj përtej faktit se mbështetej nga Berisha dhe akuzohej publikisht nga socialistët, si në shkrimin në fotot më lart u përdor nga Rama në qëllimin e tij final. Veliaj dhe bashkëpunëtorët e tij kryesore u futën në politikë dhe sot janë në poste kyçe në administratë si Elisa Spiropali ministre apo Arbian Mazniku, nën/kryetar i Bashkisë Tiranë.

Janë me dhjetra të tjerë që luftonin për rrëzimin e PS-së nga pushteti dhe më pas në pak vite u futën dhe kanë marrë drejtimin e saj nën slloganin ?Rilindje?.

Veliaj pasi bashkëpunoi me Beirshën dhe SHIK-un e Gazidedës, kaloi tek socialistët duke themeluar fillimisht një parti G99, që mori 0.86% të votave në rang kombëtar në vitin 2009 dhe në 2013 vetëm 2977 vota ose 0.17%. Për këto merita që nuk mblodhi asnjë votë, dhe duke qenë se askush nuk e konsideroi Veliajn, antisocialistin e tërbuar, Rilindja e futi në listat e saj, e bëri ministër dhe tani kryetar Bashkie, dhe jo vetëm atë, por edhe shpurën e tij.

Mëkatet e tjera i ka thëne vetë ZP, që nga bashkëpunimi me Berishën deri tek SHIK-u i Gazidedes./ CNA.al

Lajmet e fundit nga