web counter
LEXO PA REKLAMA!

SHKARKO APP

App Store
Google Play

"Do digjej Kuvendi"/ Fatos Klosi "dërrmon" Metën

13 Shtator 2019, 15:08, Politikë CNA

Ish-kreu i SHISH, Fatos Klosi, ka komentuar deklaratën e Presidentit Ilir Meta, sipas të cilit  me 8 qershor opozita  do të digjte Kuvendin.

Sipas Klosit një  informacion nuk duhej thënë në Komisionin Hetimor dhe nuk ka qenë i mjaftueshëm për të anuluar zgjedhjet e 30 Qershorit.

Në studion e Report Tv, në emisionin “45 minuta”, tha se do të ishte këshilltar i Metës, do t’i sugjeronte, që të mos e thoshte në Komisionin Hetimor një informacion të tillë.

“Nuk e lidh dot djegien e parlamentin me shtyrjen e zgjedhjeve. Këtu do i thoja “jo”. Nuk duhet ta kishte thënë këtë. Rreziku për parlamentin ka qenë. Nëse policia nuk do ishte treguar e vendosur për ta mbrojtur, edhe mund ta kishin djegur më parë në protestat e kaluar. Sigurisht duhej bërë një akt vandalizmi që të diskutohet, se kështu do mbetej në vëmendje të njerëzve. Institucioni kryesor që furnizon me informacione që vijnë me rrugë sekrete është SHISH, por këtë informacion mund ta ketë edhe policia, apo Bashkia, por informacioni nuk është trajtuar si duhet”, ka thënë Klosi.

Sipas të njëjtit, informacioni duhej shfrytëzuar për t’i dalë zot të keqes, që të merreshin masa.

“Nuk dëgjova se Meta e ka çuar gjëkundi këtë informacion, nuk kam dëgjuar të ishte thënë një gjë e tillë. S’është ndonjë gjë sekrete, nuk të detyron njeri që të thuash burimin, por u tha vonë. Më mirë do thosha po të isha këshilltar, mos e thuaj, përmend të gjitha informacionet e tjera, po jo këtë. Edhe nëse do digjej, do bëhet një tjetër më i mirë. Doli shumë vonë dhe ngre dyshim. Kush e di njeri tjetër këtë informacion përveç Metës?“, u shpreh ndër të tjera Klosi./CNA.al





Lajmet e fundit nga